"Dağlıq Qarabağ üzrə növbəti görüş Vaşinqtonda keçirilsin" - ABŞ-dan təklif
ABŞ tərəfi Azərbaycan və Ermənistan xarici işlər nazirlərinə Dağlıq Qarabağ münaqişəsinin həlli ilə bağlı müzakirələri davam etdirmək üçün Vaşinqtonda görüşməyi təklif edib.
"Report" xəbər verir ki, bu barədə Azərbaycanın xarici işlər naziri Elmar Məmmədyarov Varşavada keçirilən mətbuat konfransında bildirib.
Dağlıq Qarabağ münaqişəsi ilə bağlı danışıqlara münasibət bildirən XİN başçısı aprelin 15-də Moskvada keçirilmiş görüşü xatırladıb.
"Bizə danışıqlarda irəliləyiş lazımdır. Deyə bilərəm ki, bu baxımdan elə də nikbin deyiləm, amma real danışsaq, səyləri ikiqat artırmaq lazımdır. Rusiya bunu edir, son görüşdə Rusiyanın xarici işlər naziri Sergey Lavrov da iştirak etdi. Dünən isə ABŞ-dan təklif aldıq. ABŞ dövlət katibi də danışıqlarda irəliləyişə nail olunmasına töhfə vermək niyyətindədir", - E.Məmmədyarov deyib.
Foreign Minister #ElmarMammadyarov speaks about the settlement of the #Armenia-#Azerbaijan conflict & recent meeting of the FM’s in Moscow at the joint press briefing in Warsaw. @mfa_russia @StateDept @francediplo_EN @Slovakia_OSCE pic.twitter.com/KHCRh0WTrO
— Leyla Abdullayeva (@LAbdullayevaMFA) April 17, 2019
Şərhlər
Hər hansısa bir şərh yazılmayıb.