Bakıda dayısının himayəsində qalan 11 yaşlı qız evdən qaçıb

Bakının Xətai rayonunda 11 yaşlı qız itkin düşüb.

ONA-nın məlumatına görə, Bakı şəhər sakini, 1990-cı il təvəllüdlü Tural Elman oğlu Əliyev aprelin 17-də Xətai rayon Polis İdarəsinin 37-ci Polis Şöbəsinə ərizə ilə müraciət edərək bacısı qızı, 2008-ci il təvəllüdlü Ləman Azad qızı Əliyevanın elə həmin gün səhər saat 05:00-da S.Orucov küçəsi 15 saylı ünvanın qarşısından yoxa çıxdığını bildirib.

Daxil olan müraciət əsasında axtarışlara başlanıb.

ONA-nın əldə etdiyi məlumata görə, 11 yaşlı L. Əliyeva anası vəfat etdikdən sonra dayısının himayəsində yaşayıb. Qızın atası isə Rusiyada yaşayır. Ehtimal olunur ki, L.Əliyeva dayısının evindən qaçaraq atasının qohumlarına gedib. Hazırda onun yerinin müəyyən olunması istiqamətində axtarışlar davam etdirilir.

635x100

Şərhlər

Hər hansısa bir şərh yazılmayıb.

Son yazılar