“Formula-1" ilə əlaqədar Bakının bəzi məktəblərində tədris dayandırılıb

“Formula-1" üzrə Azərbaycan Qran-prisi ilə əlaqədar yarışların keçirildiyi küçədə yerləşən T.İsmayılov adına 6 nömrəli məktəb-liseydə şagirdlərə aprelin 30-na qədər istirahət verilib.

Bu barədə “Report”a məktəbdən məlumat verilib.

Bildirilib ki, yolların bağlanılması ilə əlaqədar olaraq, artıq aprelin 22-dən şagirdlərin dərsə gəlməsində məhdudiyyətlər yaranıb: “Aprelin 30-na qədər yolların bağlı olması səbəbindən şagirdlər məktəbə gəlməkdə çətinlik çəkirlər deyə dərslərdə iştirak edə bilməyəcəklər. Amma onların bu müddət ərzində keçmədikləri dərslər mayın əvvəlindən hissə-hissə tədris olunacaq. Müəllimlər isə hər gün işə gəlirlər”.

132-134 nömrəli təhsil kompleksindən isə “Report”a bildirilib ki, məktəbin binası Yarışların hərəkət sxeminə aid olan küçədə yerləşməsinə baxmayaraq, dərslər dayandırılmayıb: “Hətta aprelin 26-sı saat 13:00-dək şagirdlərin dərsə gəlmələri üçün valideynlərə müraciət edilib”.

Yarışların hərəkət sxeminə aid olan küçədə yerləşən 23 nömrəli tam orta məktəbdən telefon zənglərimizə cavab verən olmayıb.

Məsələ ilə bağlı Təhsil Nazirliyinin açıqlama yayacağı gözlənilir.

Qeyd edək ki, “Formula 1” üzrə Azərbaycan Qran-prisi 26-28 apreldə keçiriləcək.

635x100

Şərhlər

EJDER 2019-04-23 18:28:04

HA HA HA ,BIZE TEDRIS LAZIM DEYIL,QARABAQ KIMI...ESAS FORMULADI.SES KUYDEN DERS KECMEK OLAR.INSANLARIN ESEBLERI ILE OYNAYANLARIN VE PUL QAZANANLARIN...U OLSUN

Bashirov Qarib 2019-04-23 18:28:04

Təhsil yox, əsas anoloqu olmayan inkişafdır və formula-1 yarışmasıdır.Yalnız irəli.

Sakit Vəliyev 2019-04-23 18:28:04

Formula-1 keçirmək üçün şəhər mərkəzi seçilmir.Onun üçün şəhərdən kənarda boş sahələr ayrılır,hazırlanır.Bbir-iki adamın həvəsinə görə təhsili də büdrədirlər.Afərin belə "idarəçiliyə"!Ay balam Amerika,Almaniya,Fransa,Çin və sair bizdən yüz.min dəfə güclü ölkələr bu yarışı keçirmir.Nə düşüb bizə? Guya biz hmıdan ağıllı və varlıyıq? Hələ bir milyonlarla insanlarımıza günlərlə narahatlıq yaradıb,əziyyət veririk.Niyə?

Son yazılar