TQDK boş qalan plan yerlərinə ixtisas seçimi elan edib

tqdk_bili qiymetlendirilirBoş qalan plan yerlərinə avqustun 30-dan sentyabrın 3-dək internet vasitəsilə ixtisas seçimi aparılır

Tələbə Qəbulu üzrə Dövlət Komissiyası (TQDK) tam orta təhsil bazasında (11 illiik) orta ixtisas təhsili müəssisələrinin boş qalan plan yerlərinə ixtisas seçimi elan edir.

TQDK-nın mətbuat xidmətindən verilən məlumata görə, tam orta təhsil bazasında orta ixtisas təhsili müəssisələrinin boş qalan plan yerlərinə avqustun 30-u saat 9:00-dan sentyabrın 3-ü saat 23:59-dək internet vasitəsilə ixtisas seçimi aparılır.

İxtisas seçmək hüququ olan abituriyent orta ixtisas təhsili müəssisələrinin 20-dək ixtisas kodunu seçib, onları http://eservices.tqdk.gov.az/erizebak internet ünvanında yerləşən “Abituriyentin elektron ixtisas seçimi ərizəsi”nə istədiyi ardıcıllıqla daxil edərək təsdiqləməlidir.

Ərizəsini təsdiqləmək üçün abituriyent TQDK-nın yeni virtual ödəmə kartını alır və onun şifrindən istifadə edir.

Elektron ixtisas seçimi ərizəsini təsdiqləməyən abituriyentlər müsabiqəyə buraxılmayacaqlar.

Orta ixtisas təhsili müəssisələrinin xüsusi qabiliyyət imtahanı tələb edən ixtisasları ixtisaslar siyahısında ulduz (*) işarəsi ilə qeyd olunmuşdur. Bu ixtisasları yalnız qabiliyyət imtahanlarından “məqbul” alan və test imtahanlarında topladıqları balı 20 və daha yüksək olan abituriyentlər seçə bilərlər.

Abituriyentlərə xüsusi qabiliyyət tələb edən ixtisaslarla yanaşı müvafiq qruplar daxilində digər ixtisasları da seçmək imkanı verilir.

İxtisas seçimi elanı, boş qalan yerləri olan ixtisasların siyahısı “Abituriyent” jurnalının xüsusi buraxılışında dərc olunmuşdur. Jurnalda həmçinin orta ixtisas təhsili müəssisələrinin xüsusi qabiliyyət tələb edən ixtisaslarının Qabiliyyət İmtahanı Komissiyaları üzrə bölgüsü, “Abituriyentin elektron ixtisas seçimi ərizəsi”nin doldurulma qaydası, “Abituriyentin elektron ixtisas seçimi ərizəsi”nin nümunəsi və s. məlumatlar təqdim olunub.

Jurnalı TQDK-nın binası yanındakı "Abituriyent" köşkündən almaq və yawww.abiturient.az saytından sifariş etmək olar.

635x100

Şərhlər

Hər hansısa bir şərh yazılmayıb.

Son yazılar