DEPUTATIN YAŞADIĞI BİNANI DA ƏXLAQSIZLIQ YUVASINA ÇEVİRİBLƏR - "Müraciət etmədiyimiz yer qalmayıb"
“Hamı sözünü deputata deyir, bəs deputat üzləşdiyi problemi kimə deməlidir? Bu gün mənim yaşadığım binanın yarısını kimlərsə hostelə çevirməklə, orada insan alveri, əxlaqsızlıq yuvaları yaradır”. Modern.az xəbər verir ki, bunu deputat Tahir Kərimli parlamentin iclasında İnsan alverinə qarşı mübarizə üzrə Milli Koordinatorun illik məlumatının müzakirəsi zamanı deyib.
Onun sözlərinə görə, qanunvericiliyə əsasən, çoxmənzilli binaların müəyyən qisminin hostellərə çevrilməsi gerçəkləşib: “İndi biz bunun acı nəticəsini yaşamaqdayıq. Bununla da olan-qalan abrımızı itiririk. Müraciət etmədiyimiz yer qalmayıb. Nəticəsi yoxdur. Odur ki, binanın sakinləri oradan köçmək məcburiyyətindədir. Buna bir çarə qılınsın və qarşısı alınsın. Hostellər üçün ayrıca girişlər olmalıdır”.
Şərhlər
Əgər deputatın müraciətlərinə baxan yoxdursa,bəs sadə insanlar neyləsin?
Bir deputat ki, öz yaşadıgı binadakı əxlaqsızlıgın qarşısını ala bilmək qüdrətində deyilsə day denən kül olub o deputatın da, deputatxananın da başına.Bəs bunlar nəyin deputatıdır? Bəs bu deputatlar secicilərin problemləri ilə necə məşgul ola bilərlər?Sanki bunlar deputat deyil "matroşkalardır" ki, düzublər (otuzdurublar) parlamentin kreslolarına.Ölkənin ali qanunverici orqanı olaraq Milli məclis İFLİC vəziyyətindədir.
O dediyin exlaqsizliq yuvalarinin ekseriyyeti o yaninda oturan HADI RECEBLININDI ona de bize niye deyirsenki
Bizim olan-qalan abrımız Sizin kimi deputatların ucbatından getdi.
Bu deputat deyasan olkada sayi azalan turistlarida gacirdmag niyyatindadi.
Niyə polisə şikayət edib,polis çağırmır? Bəlkə özü də bu işlə qarışıqdır? Axı belə yerlərin çoxunu hüquq mühafizə orqanlarının mötəbər vəzifəliləri himayə edir.Elə yerlərin hamısının adresləri polislərə bəllidir.Sadəcə himayədarlıq edirlər.