“Azərbaycan Dəmir Yolları” məsləhətə 8,2 milyon avro ödəyəcək
“Azərbaycan Dəmir Yolları” (ADY) QSC Bakı-Böyük Kəsik dəmir yolunun modernləşdirilməsi ilə əlaqədar texniki nəzarət üzrə məsləhət xidmətlərinə 8,2 mln. avrodan çox vəsait yönəldəcək.
Bu barədə “İnterfaks-Azərbaycan” agentliyinə cəmiyyətdən məlumat verilib.
“ADY Bakı-Böyük Kəsik dəhlizi boyunca yeni enerji təchizat sisteminə keçid, işarəvermə sisteminin yenilənməsi və elektrik lokomotivlərin alınması ilə əlaqədar texniki nəzarət üzrə məsləhətçi qismində İspaniyanın”TPF Getinsa Euroestudios” və “Auxitec Tecnica Y Control SA” şirkətləri birgə müəssisəsini cəlb edib. Müvafiq tenderin qalibi olmuş birgə müəssisə ilə 2019-cu il mayın 13-də müqavilə imzalanıb”, - deyə məlumatda bildirilir.
Müqavilənin dəyəri 8 mln. 260 min 743,4 avrodur.
ADY-dən verilən məlumata görə, eyni zamanda, “Getinsa Euroestudios - Auxitec Tecnica Y Control SA” birgə müəssisəsi ilə bir sıra xidmətlərin göstərilməsi haqqında $236 min dəyərində əlavə müqavilə da imzalanıb. Müqavilənin detalları açıqlanmır.
Şərhlər
Bu qiymete meslehetcilerin ozunu de almaq olardi
Görəsən "otkat" nə qədərdir?