ABŞ Konqresinə Türkiyə əleyhinə sanksiyalar qətnaməsi təqdim edilib
ABŞ-ın demokratlardan və respublikaçılardan ibarət konqresmenlər qrupu Türkiyənin Rusiyadan C-400 zentik-raket sistemi alacağı təqdirdə bu ölkə əleyhinə "Amerikanın rəqiblərinə sanksiyalar vasitəsilə əks təsir haqqında" qanun çərçivəsində "sanksiyaların tam tətbiqi", həmçinin Türkiyənin F-35 beşinci nəsil qırıcı-bombardmançısının yaradılması proqramından çıxarılması çağırışlı qətnaməni baxılması üçün Nümayəndələr Palatasının bir neçə komitəsinin müzakirəsinə təqdim edib.
"Report" TASS-a istinadən xəbər verir ki, bu barədə Nümayəndələr Palatasının Xarici İşlər üzrə Komitəsinin mətbuat xidməti bildirib.
"Türkiyə bizim çoxdankı müttəfiqimizdir, amma onlar açıq seçim qarşısındadırlar. Əgər Ankara Rusiyadan zenit-raket sistemləri alsa, onda ABŞ dərhal Türkiyəyə qarşı sanksiyalar tətbiq etməli və ölkənin F-35 proqramından çıxarmalıdır.
Bizim iki partiyadan olan Konqres üzvləri tərəfindən daxil edilmiş qətnaməmizə ABŞ-ın Konqresinin aydın bəyanatı kimi baxılmalıdır - Türkiyə Rusiyanın və ya NATO üzrə müttəfiqlərinin partnyoru olmaq kimi seçim etməlidir. Ümid edirəm ki, Türkiyə prezidenti Rəcəb Tayyib Ərdoğan düzgün seçimi edəcək. Bizim gələcək ittifaqımız bundan asılıdır", - deyə qətnamənin həmmüəlliflərindən biri, Nümayəndələr Palatasının Xarici işləri üzrə Komitəsinin Texas ştatından olan respublikaçı üzvü Maykl Makkol bildirib.
Şərhlər
Sayın Ərdoğan pomidor bazarından aralanıb ABŞ-a üz tutmalıdır.Atalar demişkən,"Gedər bostan xırası,qalar üz qarası".Onsuz da pomidoru tezliklə Rusiya özü isyehsal edəcək.Türkiyədən almağa ehtiyac qalmayacaq.Ancaq itirilmiş dostu-ABŞ-ı geri qaytarmaq olmayacaq.Rusiyaya doğru addım bütün sahələrdə Türkiyənin sonu ola bilər.ermənilər haqqında tez-tez Pyotrın vəsiyyətlərini yada salan Putinin kimliyi göz önünbdədir.