Sumqayıtda 31 ton metal oğurlanıb
Sumqayıt Şəhər Polis İdarəsinin 2-ci Polis Bölməsinə şəhər ərazisindəki müəssisələrin birindən oğurluq edilməsi barədə müraciət daxil olub.
Daxili İşlər Nazirliyinin Mətbuat Xidmətindən verilən məlumata görə, zərərçəkmiş Bakı şəhər sakini T.Ələsgərov 2018-ci ilin dekabr ayından cari il may ayının 14-dək olan müddətdə H.Z.Tağıyev qəsəbəsi ərazisində yerləşən “Azərbaycan məişət malları” ASC-nin həyətində icarə əsasında işlətdiyi metaləritmə sexindən 31 ton əlvan metal qırıntılarının oğurlandığını bildirib. Müraciətlə əlaqədar təxirəsalınmaz əməliyyat-axtarış tədbirlərinə başlayan polis əməkdaşları tərəfindən qısa müddətdə oğurluğu törətməkdə şübhəli bilinən Sumqayıt sakinləri Anar Kərimov və Rəşad Əzizovu müəyyən edilərək saxlanılıb.
Araşdırmalarla onların qeyd edilən əlvan metal qırıntılarını şəhər sakini olan bir nəfərə satdıqları müəyyən edilib.
Faktla bağlı Sumqayıt ŞPİ-nin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb, zəruri istintaq-əməliyyat tədbirləri davam etdirilir.
Şərhlər
Buna nə demək olar? Azneftkimyamaşın nəzdində olan Səbayıl Maşınqayırma z-dun ərazisindən 100000 ton(yüz min)hazır xammal günün günorta çağında traller maşınlarla şəhərin maqistral yolları ilə müşahidə kameraların gözü önundə z-d direktoru Əli ismayılovun rəhbərliyi ilə satıldı.Qəribəsi budur ki,20-ci sahədən Dərnəgüldə olan Metalbazaya qədər heç bir DYP və PPX bunları saxlamayıb.Ona görə ki,hamı öncədən haqqını alıb.Hardasız ay hüquq-mühafizə orqanları? 100000ton X 800 = 80000000(səksən milyon)