Azərbaycanın müdafiə xərcləri 8,4 faiz artıb

Dərc olunub: 20/05/2019 - 09:16

esgerAzərbaycanın 2018-ci ildə müdafiə xərcləri 2 milyard 842 milyon 681,9 min manat olub.

ONA-nın məlumatına görə, bu, “Azərbaycan Respublikasının 2018-ci il dövlət büdcəsinin icrası barədə” qanun layihəsində əksini tapıb.

Beləliklə, keçən il dövlət büdcəsində müdafiə xərcləri üçün proqnozlaşdırılan məbləğ 2 milyard 855 milyon 942 min manat olsa da, bu sahədə xərclər 13 milyon 260.1 min manat, yəni 0,5 faiz az olub.

Keçən il müdafiə xərcləri 2017-ci illə müqayisədə isə 221 milyon 416,8 min manat, yəni 8.4 faiz çox olub. 2017-ci ildə müdafiə xərcləri üçün 2 milyard 621 milyon 265,1 min manat xərclənib.








loading...


Fikrinizi bildirin