Saakaşvilinin həyat yoldaşı Gürcüstanda etiraz dalğasına söz verib

“Bidzina İvanişvilinin rejiminə etiraz dalğası ilə son qoymaq olar”.

“Report”un yerli bürosu xəbər verir ki, bu barədə Gürcüstanın müxalif Vahid Mili Hərəkat Partiyasının Zuqdidi rayon rəhbərliyinə namizədi olan, sabiq prezident Mixeil Saakaşvilinin həyat yoldaşı Sandra Rulofs bildirib.

O deyib ki, B.İvanişvilinin rejimini devirdikdən sonra ölkədə seçkilər barədə danışmaq mümkün olacaq: “Biz qətiyyətlə mövqeyimizi müdafiə edəcəyik. Hər bir şəhərə, kəndə, küçəyə baş çəkəcəyik və insanları əmin edəcəyik ki, biz bir-birimizi güclü edə bilərik. İvanişvilinin rejiminə etiraz dalğası ilə qalib gəlməliyik”.

Qeyd edək ki, ötən gün Zuqdidiə keçirilən seçkilərdə hakim “Gürcü Arzusu” Partiyasının namizədi Giorgi Şengelia səslərin 54,18%, S.Rulofs isə 46,88%-ni əldə edib.