“Oyunun ciddiliyini yaxşı dərk edirik” – Nikola Yurçeviç

Dərc olunub: 21/05/2019 - 18:33

6d5e6301-bed4-4e59-9677-2d8827ab8d0b“Əvvəlki toplanışla ikinci arasında fərq böyükdür. Öncəkində 5-6 gün bir yerdə olduqsa, indi vaxtımız çoxdur”.
“Report”un məlumatına görə, bunu Azərbaycan millisinin baş məşqçisi Nikola Yurçeviç AVRO-2020-nin seçmə mərhələsində iyunun 8-də Macarıstan, 11-də isə Slovakiya yığmaları ilə oyunlara hazırlıq haqda danışarkən deyib.

Xorvatiyalı mütəxəssis “Bakcell Arean”da təşkil edilən mətbuat konfransında bildirib ki, futbolçuların fərqli vaxtlarda düşərgəyə qoşulması işi qəlizləşdirir: “Eləsi var mayın 19-dan bizimlədir. Toplanışa 16 nəfərlə başladıq. Bir neçə gün bu cür davam edəcəyik. Mayın 24-dən etibarən Bəhlul Mustafazadə, Əli Babayev, Dmitri Nazarov, Rüfət Dadaşov və Renat Dadaşov bizə qoşulacaq. İyunun 3-də isə ölkə xaricində çıxış edənlər – Emil Balayev, Pavel Paşayev, Ramil Şeydayev və Eddi İsrafilov gələcəklər”.

Baş məşqçi Slovakiya ilə matça yaxşı kökləndiklərini bildirib: “Oyunun ciddiliyini yaxşı dərk edirik. Hamımız yüksək əhval-ruhiyyədəyik. Optimistəm, stadion da dolacaq və yaxşı nəticə əldə edəcəyik. Hazırlığın sonunda 27 nəfər olacağıq. Lakin matç zamanı yəqin 2-3 nəfər heyətdə yer almayacaq”.
Yurçeviç əsas yığmanın iyunun 1-də Azərbaycanın U-21 komandası ilə yoldaşlıq oyunu keçirəcəyini söyləyib.








loading...


Fikrinizi bildirin