Bakı finalı zamanı Məsut Özil "Arsenal"ın baş məşqçisini təhqir edib

İngiltərənin "Çelsi" klubu ilə Bakıda keçirilən Avropa Liqasının final oyunu zamanı "Arsenal"ın düşərgəsində qalmaqal baş verib.

"Report" "Hürriyet"ə istinadla xəbər verir ki, türk əsilli yarımmüdafiəçi Məsut Özil əvəzlənərkən baş məşqçi Unay Emerini təhqir edib.

O, 77-ci dəqiqədə meydana çıxdığı zaman ispaniyalı mütəxəssisə "Sən məşqçi deyilsən" söyləyib.

Daha əvvəl "Arsenal"ın yay transfer dövründə Özili satmağa hazır olduğuna dair xəbərlər yayılıb. Lakin ildə 20,3 milyon avro maaş alan türk əsilli futbolçunun istəyini tam təmin etməyə istənilən klub hazır deyil. 31 yaşlı yarımmüdafiəçi 2018/2019-cu illər mövsümündə İngiltərə Premyer Liqasının 24 oyununda 5 qol və 2 məhsuldar ötürmə müəllifi olub.

Qeyd edək ki, Bakıdakı final qarşılaşmasında "Arsenal" "Çelsi"yə 1:4 hesabı ilə uduzub.

635x100

Şərhlər

Hər hansısa bir şərh yazılmayıb.

Son yazılar