OLİQARXLARIN LONDONDAKI SƏRVƏTLƏRİ ƏLİNDƏN ALINIR - Azərbaycanın oğru məmurları təhlükə ilə üzləşib

Əkrəm Həsənov: “Azərbaycan maliyyə amnistiyası verməlidir, elan olunmalıdır ki, bu günə qədər kim nə qədər oğurlayıbsa, gətirib xaricdə və daxildə olan həmin əmlakları bəyan etsinlər...”

Azərbaycan Beynəlxalq Bankının keçmiş rəhbərinin həyat yoldaşı Zamirə Hacıyevadan sonra Britaniyada daha bir əcnəbi zəngin “İzahedilməz Sərvət Sərəncamı” (UWO) çərçivəsində araşdırmalara cəlb olunub. Britaniyalı istintaqçılar Londonda ümumilikdə 80 milyon funt-sterlinq dəyərində 3 daşınmaz əmlaka xərclənən pulların mənbəyini istəyir.

Hüquq-mühafizə orqanları güman edirlər ki, əmlak qanunsuz yollarla əldə edilən vəsait hesabına alına bilərdi. Bundan əlavə, məhkəmə əmlakın üzərinə həbs qoyub: istintaqın getdiyi dövrdə onu satmaq, bağışlamaq və ya bölmək olmaz. Söhbətin hansı obyektlərdən getdiyini və onların sahibinin kim olduğunu agentlik açıqlamır. Yalnız o bildirilir ki, əmlak “ciddi cinayətlərdə iştirakının olmasında şübhəli bilinən, siyasi cəhətdən əhəmiyyətli şəxs”lə bağlıdır. Bildirilir ki, hər 3 obyekt Londonun “nüfuzlu rayonlar”ında yerləşir, ümumi qiymətləri 80 milyon funt-sterlinqdir və ofşorlar vasitəsilə idarə olunub.

NCA-in məlumatında deyilir ki, ilk dəfə order 2018-ci ilin fevral ayında verilib və həbs edilmiş azərbaycanlı bankir Cahangir Hacıyev və onun arvadı Zamirənin mülkiyyətində olduğu hesab edilən Londondakı 2 yaşayış sahəsinə aiddir. NCA-in tərkib hissəsi olan Milli İqtisadi Cinayətlər Mərkəzinin baş direktoru Qrem Buqqarın sözlərinə görə, elit daşınmaz əmlakın alışı əksər hallarda pulların yuyulması üçün istifadə olunur.

Zamirə Hacıyeva ile ilgili görsel sonucu

Zamirə Hacıyeva və Azərbaycandan olması ehtimalı səslənən, hələlik inkoqnito olan yeni “qurban” xərclədikləri pulların qanuni mənşəyini sübut etsələr, iş bağlanacaq və əmlaka qoyulan həbs götürüləcək. Əks təqdirdə NCA məhkəmədən mülklərin müsadirə edilməsini xahiş edəcək, sonra da onları satacaq.

Bu və digər məsələlərlə bağlı tanınmış hüquqşünas Əkrəm Həsənovun fikirlərini öyrəndik.

Hüquqşünas deyir ki, hazırda Böyük Britaniyada araşdırmaların 2-dən artıq şəxslə bağlı getdiyini ehtimal edir:“İzahedilməz Sərvət Sərəncamı” (UWO) çərçivəsində geniş, hərtərəfli araşdırmalar aparılması planı açıqlanıb. Kimlər ki, Londonda sahib olduqları əmlakların əldə olunmasına sərf etdikləri vəsaitlərin mənbəyini açıqlaya bilməyəcəklər, əmlakları əllərindən alınacaq. Güman edirəm ki, Zamirə Hacıyeva bu məsələdə tək deyil. Onun kimi Londonda Azərbaycandan xeyli şəxs var. Bu məsələdə diqqətçəkən məqam araşdırmalara cəlb olunan şəxsin Azərbaycandan olmasıdır. Bu ölkəmiz üçün nə deməkdir? Böyük Britaniya illərdir ki, Azərbaycandan olan oğrular üçün ən yaxşı, ən prestijli yer sayılırdı. Ölkədən çıxardıqları pulları ora daşıyır, orada daşınmaz əmlaka yatırırdılar. Məlum qanunun qəbulu isə həmin pulların əllərindən alınması anlamına gəlir. Azərbaycanlı oğrular Londona qaçırdıqları sərvətləri itirmək təhlükəsi ilə üz-üzədirlər".

Əkrəm Həsənov ile ilgili görsel sonucu

Əkrəm Həsənov ehtimal edir ki, yaxın gələcəkdə Zamirə Hacıyeva kimi “qurbanlar”ın sayı kəskin artacaq:“Azərbaycan bu prosesdən qazana bilər, bu, ölkə üçün müsbət haldır. Çünki Azərbaycandan oğurlanan pulları bizə heç kim və heç vaxt qaytarmayacaqdı. Bu qanunun qəbulu həmin pulların bir qisminin belə, ölkəyə qayıtmasına yol açmış ola bilər. Azərbaycandan bundan sonra xaricə pul qaçıranlar anlayacaqlar ki, canları və malları üçün ən təhlükəsiz ölkə elə buradır - Azərbaycan. Böyük Britaniyanın arxasınca digər Avropa ölkələrinin də eyni praktikaya müraciət edəcəkləri gün uzaqda deyil. Artıq xarici ölkələr oğruların cənnətindən sürətlə cəhənnəminə çevirilməkdədir”.

Əkrəm Həsənov deyir ki, xaricdə var-dövləti olan şəxslər Azərbaycan hökuməti ilə danışıqlar aparmaqla pullarını xilas edə bilərlər: “Ölkədən pul qaçıran həmin şəxslər hökumətə müraciət etməklə əmlaklarının tanınmasını istəyə bilərlər. Şərt də belə olar ki, bunun müqabilində həmin əmlakların satışından əldə olunan pulların bir hissəsi ölkəyə qaytarılar. Buna görə də dəfələrlə təklif etmişəm ki, Azərbaycan maliyyə amnistiyası verməlidir. Əslində bütün inkişaf etmiş ölkələr bu yolu keçiblər. Sadəcə, elan olunmalıdır ki, bu günə qədər kim nə qədər oğurlayıbsa, gətirib xaricdə və daxildə olan həmin əmlakları bəyan etsinlər. Həmin əmlaklara görə büdcəyə 10-20 faiz vergi ödəsinlər. Dövlət bunun müqabilində həmin əmlakları tanısın. Bundan sonra əmlakları onların əllərindən ala bilməyəcəklər. Maliyyə amnistiyası verilməklə yanaşı, bəyan edilməlidir ki, bundan sonra belə bir addımlara yol verənlərə qarşı cinayət təqibi başlanacaq. Aydın məsələdir ki, Azərbaycan kimi ölkələrdə məmurun uzağı 1 milyonu ola bilər. Bu qədər pulu yaradıcı işlə məşğul olmaqla qanuni şəkildə qazanmaq olar. 1 milyondan artıq pulu varsa, deməli, ortada şübhələnmək, araşdırma aparmaq üçün əsaslar var. Azərbaycanda isə 1 milyondan artıq pulu olanlar çoxdur. Belə şəxslərə qarşı addımlar atıb onları qorxutmaq da olmaz. Ən yaxşı halda onlar xaricdəki pullarını ölkəyə gətirməyəcəklər. ”İzahedilməz Sərvət Sərəncamı" Azərbaycan üçün bir şansdır, bu qanundan maksimum yararlanmaq lazımdır".

Zamirə Hacıyeva ile ilgili görsel sonucu

Qeyd edək ki, Cahangir Hacıyevin həyat yoldaşı Zamirə Hacıyeva hazırda Londonda ev dustaqlığındadır. O, 500 min funt-sterlinq (təxminən 1,2 milyon manat) girov qarşılığında zaminə buraxılıb və evində nəzarət üçün elektron qurğu yerləşdirilib. Şərtlərə əsasən, xanım Hacıyeva saat 21:00 və 06:00 arası evdə olmalıdır və hər gün Çarinq-Kross polis bölməsinə hesabat verməlidir. 55 yaşlı Z.Hacıyeva Britaniyada ilk dəfə tətbiq edilən “İzahedilməz Sərvət Sərəncamı” (UWO) çərçivəsində noyabrın 6-da London polisi tərəfindən həbs olunub. Onun həbsi Azərbaycanda hakimiyyətin Zamirə Hacıyevanın Bakıya ekstradisiyası barədə xahişi ilə bağlı olub.

Şərhlər

HAQQ 2019-06-04 12:13:39

ALLAH XALQIN HAQQINA GIRENLERE L E N E T ELESIN ALLAH BELASINI VERSIN

Səfərağa 2019-06-04 12:13:39

Bu insanlar niyə belədir axı görəsən. Gözləri doymur sərvətdən, puldan. Bu......nə qədər pul, sərvət bəs edər ki, gözləri doysun. Ancaq hec vaxt gözləri doymayacaq. Çünki vaxtilə ac yalavac olublar, ayaqları çarıqlılardır. Ona görə də gözləri doymur, doymayacaq da.

Geber 2019-06-04 12:13:39

Hörmətli vəkil Əkrəm Həsənov ! bu tipli qəliz inğilis qalaqurmalarina qarşi : bizlərin yəni qabaqcadan təyyin olunmuş ğunahkarlarin __qunahsizlara yəni inğilislərə qarşi yanaşma prinsipləri haqda şəhrləri kökündən yanliş və səmərəsizdir. İnğilissayaqi misal : mənim tək savadsiz insanlarin istənilən cizmaqarasi məqbul sayila bilər , oxuduz yaddan çixdi , lakin Sizlərin yüz minlərlə ən ağilli və savadli insanlara təsiriniz var və dedikləriniz təxmini son həqiqət kimi qəbul edilir və bu səbəbdən yannliş bir tövsiyəniz ağir zərərlərlə bitə bilər . Türkün sözu _para və imanin yeri bilinməz anlayişin tərs mütənasibi “yalniz para və iman haqqinda tam anlayişi olan insanlar “ , qeyri paralel və əlaqəli zərrəçiklərin broun hərəkətlərinin icndə Arximedin hər iki anlayiş sərhəddində dayaq nöqtəsini tapa bilər. Bu dayaq nöqtəsinin ğücü ilə ğeridə qalmiş savadsiz ölkələrin iqtisadiyyati üzəridə parazitar iqtisadiyyati necə qurmaği 400 ildir ki öyrəncəlidirlər . Bu işlər üzrə master klass nəzəriyyəsinin ixtiraşilari birinci fransuzlar sonra isə inğilislərər olmüşdurlar bu tipli milçəktutan qurqulara qarşi Rusiya kimi Tolstoyu Qoqolu Puşkini olan millətlər çicandan da aşaqi bir qurbanliqdir. fransa və londonda qurulmuş milçək qondu yapişqanlarinin ümumiləşdirilmiş 400 illik elmi nəzəri praktik “ təcrubəsi Jin və Əllədin lampasidir “ bizlər isə qərib və Jinlər ölkəsində yol axtaran səyyahlar kimiyik . Jinlərin lampalarina qarşi nə edə bilərik ? və ya hansi bilğilərə malikik ? bu sual deyil cavabdir . Cavblarimiz isə pakistan və diğər qurbanliq quzulari kimi ağildan zəifliymizə istinadən cavablar axtarmaq :- yəni ğöydə üçan vəhşi quşlari dualarla yerə endirmək cəhdləri kimi sərsəm cavablara oxşayacaqdir.

İqtisadçıya 2019-06-04 12:13:39

Gülməli təklifdir.Əgər Azərbaycan bir qanuni dövlətdirsə o necə oğrulara oğurladıqlarını leqallaşdırmaq üçün amnistiya verə bilər? Bunun adını nə qoymaq olar?Bu ona bənzəməz ki,uzun illər ölkəni talayan,rüşvət yığanlar yığdıqlarına qanuni sahib olsunlar və millətə yuxarıdan aşağı baxsınlar. Belə bir ağılsız amnistiya olarsa onun adı nə olur?

dadaşyev 2019-06-04 12:13:39

Cəmiyyətin içində bu qədər oğru,talançı,fırıldaqçı,nəşəxor,sutenyor,işverən,haramzadə,vələddüzzina,yaltaq,araqarışdıran,torpaqsatan,torpaq qoyub qaçan,şpion,agent,....olduğunu perestroyka vaxtı bilsəydim vallah-billah müstəqil olmaq istəməzdim.Qadam olsun ağzuva,ay yoldaş dadaşyev,Əhmədlidən basa-basa gəlirdin Domsovetin meydanına ki,bir milyon insanla sən də yumruğunu havaya qaldırıb hiddətini göstərəsən.Bu günlər üçünmü?Yerə soxum boyuvu.

Həqiqət 2019-06-04 12:13:39

Zamirə Hacıyeva evdar qadın olub, indi də evdar qadındır. İmkanlı əri olub, pul verib, o da xərcləyib. Hər bir ailədəki kimi. Bəlkə ondan əl çəksinlər?

Son yazılar