Azərbaycanda dərslərin sentyabrın 1-də başlaması təklif edilir
"Ali və orta təhsil müəssisələrində dərslərin sentyabr ayının 15- də başlaması özünü doğrultmur. Proqramların mənimsənilməsində yaranmış boşluğu aradan qaldırmaq üçün dərs ilinin 2 həftə uzadılması effekt vermir”.
"AzPolitika" xəbər verir ki, bunu təhsil eksperti Etibar Əliyev deyib.
Onun sözlərinə görə, dərs ilinin müddətinin 31 maydan 14 iyunadək uzadılması səhv addım olub:
"İki həftə itirilmiş həftədir. 1 sentyabra qayıtmalıyıq. Dünyanın əksər ölkələrində 1 sentyabra "Bilik günü" assosiasiya olunur. Diqqət edin: Təhsil sistemi inkişaf etmiş Yaponiyada dərslər aprel ayının 1-də başlayır. Sakura çiçək açanda. Görsənir ki, onlar bu tarixi seçməkdə yanılmayıblar. Sakura çiçəyi əlbəttə ki, simvola çevrilib.
Biz isə 15 sentyabrı seçməklə çox böyük yanlışlığa yol vermişik. Vaxtilə bizdə də 1 sentyabr "Bilik günü" nə assosiasiya olunurdu. Və bu tarix simvola çevrilmişdi”.
Şərhlər
1sentyabrda başlasın dersler
Çox düzgün təklifdir.Yaxşı olar ki,növbəti dərs ilində tətbiq olunsun.
Hörmətli Etibar müəllimin qaldırdıqı məsələdə tam haklıdır.Xaiş edirik bu məsələni müsbət həll edin.
Əlbətdə,dərslərin 15 sentyabrda başlaması böyük səhv idi.Mayın 31-dən sonra dərlərin heç bir effəkti olmur bunu praktika göztərir.35-37 dərəcə istidə şagirdlərin dərs oxumağa,məktəbə getməyə həvəsləri təbii ki,olmur.Sentyabrın 1-dən mayın 31-nə qədər..
sentyabrın ilk ongünlüyündə adətən 30-35 dərəcədən aşağı olmur temperatur.