ERMƏNİSTAN ORDUSU AZƏRBAYCAN AVİASİYASINA 2 RAKET ATDI - Video
İyunun 12-də səhər saatlarında cəbhənin Füzuli istiqamətində Azərbaycan Hərbi Hava Qüvvələrinin aviasiya vasitələrinin planlı təlim uçuşları həyata keçirilib.
Bu barədə Azərbaycan Müdafiə Nazirliyinin Mətbuat xidmətindən məlumat verilib.
Bu zaman Ermənistan silahlı qüvvələri “OSA” zenit-raket kompleksini tətbiq etməklə aviasiya vasitələrimizi vurmağa uğursuz cəhd göstərib. Zenit-raket kompleksindən buraxılan 2 ədəd raket hədəfə dəyməyərək havada partlayıb.
Müdafiə Nazirliyindən bildirilib ki, bu, hərbi pilotlarımızın ustalığı və aviasiya vasitələrimizdə quraşdırılmış müasir cihazlar sayəsində, digər tərəfdən isə düşmənə məxsus hərbi texnikanın köhnə və keyfiyyətsiz olması, onun idarə olunmasına təhkim edilmiş döyüş heyətinin isə hazırlıq səviyyəsinin aşağı olması nəticəsində mümkün olub.
Düşmən tərəfindən buraxılan raketlərdən birinin hərəkət trayektoriyası və hədəfdən yan keçməsi anı aviasiya vasitələrimizin təlim uçuşlarının çəkilişlərini həyata keçirmək üçün havaya qaldırılan pilotsuz uçuş aparatımız tərəfindən qeydə alınıb.
Şərhlər
eşidirsən zakir erməni raket atdi özüdə 2 dənə yerevana ğetməyin əsl məqamidi sən söz vermişdin nə deyirsən ?
hərbi pilotlarımızın ustalığı deyəndə nəyi nəzərdə tutursan.usta pilot heç olmasa atəş açar.
ermənilər,əslində təyyarələri özləri vurmayıb.Sadəcə olasraq,demək istəyirlər ki,lazım gəlsə vura bilərik.
igitlik ondu doqquzu goze gorunmemek biride qacib gizlenmek helal olsun bizlere
Aviasiya vasitesi yox, daha chox PUA (pilotsuz uchuw aparati) chehilisine oxsayir
Paşinyanın təyarəsinə vertolyotuna atəş açmaq lazım idi. Açılmadı nəticəsi də budur.
Molla demiş-arvad onların başına bir oyun açdım ki, iki dəfə ayağımı cizdan kənara çıxardım.