“Fənərbağça”dan Kolarova rəsmi təklif

Dərc olunub: 16/06/2019 - 14:36

kolarov“Fənərbağça” “Roma”nın müdafiəçisi Aleksandr Kolarovu heyətinə qatmaq istəyir.

Qol.az-ın “ntvspor”a istinadla yaydığı xəbərə görə, İstanbul klubu 34 yaşlı futbolçuya rəsmi təklif göndərib. Serbiya millisinin üzvünə 2+1 illik müqavilə və illik 2.3 milyon avro təklif edən “sarı-lacivərdlilər” “Roma” ilə danışıqları davam etdirir. Təcrübəli oyunçu özü də “Fənərbağça”da oynamaqda maraqlıdır. Klublar təzminat məsələsində razılığa gələcəkləri təqdirdə Kolarovun Superliqa təmsilçisinə keçidi rəsmiləşəcək.

Qeyd edək ki, Kolarov “Roma”dan əvvəl “Latsio” və “Mançester Siti”nin də formasını geyinib.








loading...


Fikrinizi bildirin