Nazirlik saytlarda yaşanmış problemlərin səbəbini açıqlayıb

Nəqliyyat, Rabitə və Yüksək Texnologiyalar Nazirliyi bu gün bir neçə xəbər saytına girişdə problemlərin yaranmasına münasibət bildirib.Qurumun İctimaiyyətlə əlaqələr şöbəsinin müdiri Günel Gözəlova “Report”a bildirib ki, həmin saytlara haker hücumu olmayıb.

"Problem serverlərin həddindən çox yüklənməsi ilə bağlıdır. Gün ərzində saytlara daxilolmalar gözləniləndən çoxdur. Qısa zaman ərzində problem yaşamış saytlar fəaliyyətini bərpa edə bilib", - o qeyd edib.