Naxçıvan Ali Məclisinin sessiyası çağırılıb

Dərc olunub: 25/06/2019 - 17:51

49127028-2a5d-4780-b908-f6f7df870806Naxçıvan Muxtar Respublikası Ali Məclisinin sessiyası çağırılıb.

“Report”un məlumatına görə, Naxçıvan Muxtar Respublikası Ali Məclisinin Sədri Vasif Talıbov iyunun 25-də bu barədə müvafiq qərar imzalayıb.

Qərara əsasən, beşinci çağırış Naxçıvan Muxtar Respublikası Ali Məclisinin onuncu sessiyası 2019-cu il iyun ayının 28-də saat 11:00-da Naxçıvan şəhərində çağırılıb.

Sessiyanın müzakirəsinə 2019-cu ilin birinci yarısında Naxçıvan Muxtar Respublikasının sosial-iqtisadi inkişafının yekunları və Naxçıvan Muxtar Respublikasının 2018-ci il dövlət büdcəsinin icrasının təsdiq edilməsi məsələləri daxildir.

Sessiyanın iclasına aidiyyəti təşkilatların rəhbərləri və dövlət mətbuat orqanlarının nümayəndələri dəvət olunublar.








loading...


Fikrinizi bildirin