AQTA-nın MÜƏMMALI TENDERİ - Heyvan kəsimi üçün çadıra 1 milyon manata yaxın pul verilib

Azərbaycan Qida Təhlükəsizliyi İnstitutu "Qurban" bayramı ilə əlaqədar heyvan kəsimi üçün müvəqqəti çadır və avadanlıqlar alır.

“AzPolitika.info” "Finans.az"a istinadla xəbər verir ki, publik hüquqi şəxsin bu məqsədlə 13 iyun 2019-cu il tarixində keçirilmiş tenderində "Novotrend" MMC qalib elan edilib. Sözügedən şirkətə 802 min 624, manat ödəniş edilib.

Təəssüf ki, məlumatda çadırların sayı və hər birinin qiymətilə bağlı məlumat verilmir. Lakin istənilən halda, müvəqqəti çadırlar üçün 1 milyon manata yaxın vəsaitin xərclənməsi şübhəli və qeyri-real görünür. Bu çadırların ölkənin əsasən böyük şəhərlərində qurulacağını nəzərə alsaq, onların ümumi sayının 10-20 ədəd olacağını ehtimal etmək olar. Belə çıxır ki, hər çadır orta hesabla 50 min manata başa gəlir…

Etiraf edək ki, kifayət qədər şübhəli rəqəmdir. Bəs, görəsən, müvəqqəti xarakter daşıyan avadanlıq üçün bir büdcə təşkilatının belə iri məbləğdə xərcləməyə getməsi nə dərəcədə məqsədəuyğundur? Və ümumiyyətlə, sahibkarların ən çox şikayət etdikləri qurumlardan biri olan Azərbaycan Qida Təhlükəsizliyi Agentliyinin (AQTA) bu cür israfçılığa yol verməsini şərtləndirən səbəblər nədən ibarətdir?

Bu məlumat bir daha Azərbaycanda tenderlərin hansı prinsiplər əsasında və nə dərəcədə şəffaf keçirilməsinə dair sualları aktuallaşdırır. Təsadüfi deyil ki, əksər müstəqil iqtisadçı ekspertlər tenderlərin ölkədə hələ də korrupsiyanın mövcudluğunu şərtləndirən əsas istiqamətlərdən biri olduğunu iddia edirlər.

Şərhlər

Mirzə AĞ 2019-07-17 18:04:29

AQTA, MAQTA... boş şeydi, bunlar hamısı "julikdi"!!!

Adi vətəndaş 2019-07-17 18:04:29

Guya müstəqil dövlətin təmsilçiləri heç biri öz vəzifəsini ya bilmir, ya tam icra etmir və ya yalnız xalqın payından özƏLinə bicnes oynayır? AQTAnın bir vəzifəsi var-İstehlakçıya sağlam qida təqdim olunsun. Pambıq necə dərmanlansın, əti kim və necə kəssin instruksiyalarını təklif verə bilər. AQTAya qədər mən xəstə(vərəmli ..) ət satışı görməmişəm. İndi diqqət edin-kəsilən heyvanların hamısının nəfəsliyi və qara ciyəri sağlamdırmı? Əlli-yüz il öncə xəstə heyvan heç cür insan qidasına yol tapmazdı!

Son yazılar