“Qarabağ” UEFA reytinqində “Milan”a şərik olub

Avrokubokların I təsnifat mərhələsindən sonra klubların UEFA reytinqi açıqlanıb.

APA-nın məlumatına görə, cədvəldə qitənin 421 komandası yer alıb.

Azərbaycanın 7 klubu da UEFA reytinqinə daxil edilib. Ölkəmizin ən yaxşı təmsilçisi “Qarabağ”dır.

Çempionlar Liqasında mərhələ adlamağa nail olan Qurban Qurbanovun yetirmələri 19,000 xala malikdir. 3 pillə irəliləyən Azərbaycan çempionu 69-cu yerə şərikdir. Təmsilçimiz bu sıranı “Milan”, “Fiorentina” (hər ikisi İtaliya), “Selta” (İspaniya) ilə bölüşür.

Qeyd edək ki, siyahıya İspaniya klubları başçılıq edir. “Real” 121,000 xalla 1-ci, “Atletiko” 109 xalla 2-ci, “Barselona” 108 xalla 3-cüdür.

Siyahıda geriləyən “Qəbələ” “Hayduk”la (Xorvatiya) birlikdə 7,500 xalla 139-cu yerə şərikdir. 280-ci yerə yüksələn “Neftçi”, “Səbail”, “Kəpəz”, “Zirə” və “Keşlə” 3,250 xala malikdir.

Şərhlər

Hər hansısa bir şərh yazılmayıb.

Son yazılar