Qəzet və jurnalların reklamdan illik gəliri 100 manat təşkil edib - Statistika
Baxiş sayı:
Dərc olunub:
23/07/2019 - 12:08
2018-ci ildə Azərbaycanda kütləvi informasiya vasitələrinin gəlirləri 65% artıb. Bu zaman qəzet və jurnallarda 100 manatlıq reklam kontenti yerləşdirilib, bu barədə Turana Dövlət Statistika Komitəsindən məlumat verilib.
Ötən il KİV-lər reklam materiallarının yerləşdirilməsindən 7 mln.747 min manat əldə ediblər, bu da 2017-ci ildə olduğundan 3 mln. manat çoxdur. Reklam gəlirlərinin 89,2% (6,9 mln. manat) teleşirkətlərin payına düşür. Yerli radiolar reklamdan 360,2 min manat (-49%), internet resurslar 474,5 min manat (+34,4%) qazanc əldə edib. Biznesdən qəzet və jurnalların gəliri simvolik 100 manat olub, 2014-ci ildə isə çap KİV-nin reklamdan gəliri 1,4 mln. manatı üstələyirdi.
Şərhlər
Nəzərə almaq lazımdır ki, Azərbaycanda reklama ehtiyac yoxdur - qiymətləri də, satış həcmlərini də cənabi "inhisar" müəyyən edir ki, onun da ünvanını hamı bilir...