Ankarada Belarus diplomatına silahlı hücum olub

Ankarada silahlı hücum nəticəsində Belarus diplomatı ağır yaralanıb.

"Report" "Sozcu" qəzetinə istinadla xəbər verir ki, səfirin müşaviri olan Aleksandr Poqanşevə onun istefada olan hərbçi ev qonşusu hücum edib və sonradan özünə qəsd edib.

İlkin məlumatlara görə, hücuma məişət zəminində mübahisə səbəb olub.

Diplomat əməliyyat olunub, onun vəziyyəti ağır kimi qiymətləndirilir.

Öz növbəsində Belarus Xarci İşlər Nazirliyi diplomata psixi problemləri olan Türkiyə vətəndaşının atəş açdığını bəyan edib.