"EL" Milli Şuradan niyə inciyib?

"Müsavatdan başqa digər partiyalar bizim müdafiəmizə qalxmadı"

“El” Hərəkatının İdarə Heyətinin rəhbəri Eldəniz Quliyev dünən baş tutan Milli Şuranın sessiyasına qatılmamalarına aydınlıq gətirib. Eldəniz Quliyev bu barədə “Qafqazinfo”ya açıqlama verib.

Onun sözlərinə görə, "El" Milli Şuranı boykot etdi" deyənlərin arzusu ürəyində qalacaq:

"“El” Hərəkatı Milli Şuranın yaradıcısı, əsas müəlliflərindən biri və nüvəsi hesab olunur. Öz yaratdığımızı özümüz dağıda bilmərik. Həmin gün Milli Şuranın fövqəladə toplantısı çağırıldı. Eyni saatda El Hərəkatının İdarə Heyətinin toplantısı çağırıldı. Amma onu da deyim ki “El” Hərəkatının Milli Şuradan müəyyən və əsaslı inciklikləri var. Bizi iki həftədir ki, axmaq bir adamın verdiyi ifadəyə görə Baş Prokurorluğa çağırırlar. Müsavat Partiyasından başqa digər partiyalar bizim müdafiəmizə qalxmadı. Bu bizim inciməyimiz üçün əsasdır”.