Azərbaycana giriş vizalarının rüsum məbləği ölkədən asılı olaraq dəyişəcək

Dərc olunub: 31/07/2019 - 17:51

315d4199e866a7ePrezident İlham Əliyev “Dövlət rüsumu haqqında” Azərbaycan Respublikasının Qanununda dəyişiklik edilməsi barədə” qanunu təsdiqləyib.

APA-nın məlumatına görə, dəyişikliyə əsasən qanuna 17.6-1. maddə əlavə olunur.

Beləliklə, xarici ölkələrin müvafiq orqanları tərəfindən Azərbaycan Respublikasının vətəndaşlarına münasibətdə çoxdəfəlik giriş vizalarının rəsmiləşdirilməsi üçün tutulan rüsumun məbləği bu Qanunla eyni hərəkətlərə görə müəyyən edilmiş məbləğdən fərqli olduqda, dövlət rüsumunun dərəcəsi müvafiq icra hakimiyyəti orqanının qərarı ilə həmin ölkələrdə Azərbaycan Respublikasının vətəndaşlarına münasibətdə tutulan rüsum səviyyəsində müəyyən oluna bilər.






loading...


Fikrinizi bildirin