Oğuzda meşə ərazisində baş verən yanğın söndürülüb
Baxiş sayı:
Dərc olunub:
09/08/2019 - 23:24
Oğuzda meşə yanğınları zamanı 2 hektar ərazi yanıb."Report"un Şimal-qərb bürosunun məlumatına görə,hadisə bugün günorta saatlarında rayonun Calut kəndinin yüksək dağlıq ərazilərində baş verib.
Hadisə yerinə Rayon Dövlət Yanğından Mühafizə Hissəsinin 2 yanğınsöndürən texnikası cəlb olunsa da, yüksək dağlıq əraziyə texnikalar qalxa bilməyib. Eyni zamanda, əraziyə Yanğından Mühafizə Hissəsinin şəxsi heyəti, kənd camaatı və polis əmakdaşlarından ibarət 100-dən çox insan cəlb olunub.
Nəhayət axşam saatlarında xüsusi əl avadanlıqları vasitəsilə yanğının qarşısını almaq mümkün olub.
Yanğın nəticəsində 2 hektara yaxın ərazidə kol-kos və ağaclar yanıb.
Şərhlər
Hər hansısa bir şərh yazılmayıb.