“RUSİYA DİLİNİZİ DİBİNDƏN QOPARARDI...” – “Xalqımızın əksəriyyəti müharibə istəmir...”

Bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Türkmənistanda keçirilən Xəzər İqtisadi Forumunda qonşu İran və Rusiyanın beynəlxalq hüquqa meydan oxumasını şərh edib, gündəmin digər aktual mövzusu ətrafında da fikirlərini bölüşüb.

“AzPolitika” millət vəkilinin “moderator.az”-a qısa müsahibəsini təqdim edir:

- Qüdrət bəy, 1-ci Xəzər İqtisadi Forumunda Rusiya və İran Xəzərin dibi ilə Türkmənistandan Azərbaycana qaz kəmərinin çəkilişinə, ekoloji məsələləri əsas gətirərək, etiraz ediblər. Sizcə, Moskva və Tehranın belə bir gedişi gözlənilən idimi?

- İngilis dilində cinayət xarekterli əməli özündə ehtiva edən “bullying” sözü var. Mənası məktəblərdə fiziki baxımdan güclü olan xuliqanların zəif uşaqları qorxudub dəhşətə salması, öz iradələrini onlara qəbul etdirməsi mənasında işlədilir. Çox təəssüf ki, beynəlxalq münasibətlərdə də oxşar davranış sərgiləyən dövlətlər var. Məsələn, Rusiya heç kimdən icazə almadan Qara dənizin dibi ilə Türkiyəyə, Baltik dənizinin dibi ilə Almaniyaya qaz kəməri çəkir. Həm də beynəlxalq sulardan keçməklə. Amma Xəzərin dibinin orta xətt üzrə bölünməsinə baxmayaraq, iki qonşu dövlətə eyni tipli kəmərin çəkilməsinə imkan vermir. Baxmayaraq ki, ən azı 4 Xəzəryanı ölkə Xəzərin dibindəki karbohidrogen ehtiyatları istismar edir və Xəzərin dibi ilə çəkilmiş neft və qaz kəmərlərinin uzunluğu min kilometrlərlə ölçülür. Türkmənistanın istismar etdiyi yataqlarla Azərbaycanın istismar etdiyi yataqlar arasında məsafə isə 40-50 km-dir.

Amma nə edə bilərik? Dünya beynəlxalq hüquqla, məntiqlə yox, cəngəllik qanunları ilə idarə olunur. Kim güclüdürsə, o da haqlıdır! İrana gəldikdə isə, guya bu ölkə Allahın qanunları ilə idarə olunur. Mən İran mollalarından soruşuram, əgər Türkmənistandan Rusiyaya belə bir kəmər çəkilsəydi, etiraz edə bilərdinizmi? Rusiya sizin etirazı milçək vızıltısı hesab edər, etiraz edən dilinizi dibindən qopardardı. Amma bizi arxasız görüb dil uzadırsınız. İnşallah, ilahi ədalət öz yerini gec-tez tapar. Yeri gəlmişkən, həbsdəki əl öpən İran əlaltıları niyə cınqırını çıxarmır?...

- Qüdrət bəy, Qarabağ Komitəsi yeni mitinqlər keçirmək istəyir, bu mitinqlərin problemin həllinə bir təsiri ola bilərmi?

- Azərbaycan vətəndaşlarının sərbəst toplaşmaq azadlığı var və hər kəs belə bir mitinq təşkil edə bilər. Ancaq bu mitinqi təşkil edənlərin mütləq əksəriyyəti müxalifətçilər olduğundan, doğru olardı ki, onlar mitinq yox, problemi sülh yolu ilə həll edəcəklərinə dair üzərlərinə beynəlxalq təşkilatlar qarşısında 2000-ci ildən öhdəlik götürmüş ADP, AXCP, AMİP, Müsavat partiyasından tələb etsinlər ki, həmin öhdəliklərdən imtina edilisin. Sonra iqtidar və beynəlxalq birlik qarşısında tələb qoysunlar, müharibədən danışsınlar. Bu zaman onların davranışı daha məntiqli olardı. Bundan başqa, həmin mitinqə yüz minlər çıxmayacaqsa onun ziyanı xeyrindən çox olacaq.

Qarabağ məsələsinə gəldikdə isə, xalqımızın böyük əksəriyyəti müharıbə istəmir. Ona görə də mitinqə yüz minlərin çıxacağı inandırıcı deyil. Kimsə deyə bilər ki, camaat polis dəyənəyindən və repressiyalardan qorxur, ona görə mitinqə kütləvi çıxmır. Mən həmin adamlardan soruşuram: dəyənəkdən qorxan güllə qabağına gedər?! Xalqımız həm özünə güvənmir, həm də satqınların və xarici düşmənlərin müharibəni qələbə ilə başa çatdıracağımıza imkan verməyəcəyindən qorxur. İqtidar bunları görür və xalqın iradəsini nəzərə alır. Bunu nəzərə almayan iqtidar özü də iflasa uğrayar, ölkəni də uçuruma aparar. Xalqımız müharibə istəyir deyən istənilən siyasi demaqoqa demək istəyirəm ki, müharibə istəyən xalq istənilən iqtidarı müharibəyə başlamağa, yaxud istefaya getməyə məcbur edə bilər. Hamı başa düşür ki, problemin sülh yolu ilə ədalətli həlli yoxdur. Ona görə də xalqımızı müharibəyə, yəni qurbanlar verməyə və fədakarlıq etməyə hazırlamalıyıq. 5-10 nəfər siyasiləşmiş, vəzifə istəyən adamın ah-naləsi ilə iş düzəlməyəcək. Xalqımızı qələbəyə inandırmalıyıq.

Şərhlər

vuqar 2019-08-13 22:50:16

Her seyin ozunun vaxti vedesi var vaxt olacaq o boru xettide cekilecek Iran arxasincada Rusiya ..sappilti..ile dagilacaq beyem ..mollalarin.. kif atmis iylerini hiss etmirsiniz Rusiyanin basina ele ruslar ozleri ele suretle ..corab.. horurler ki lap qisa muddete putini divara direyecekler .Dagilma prosesine artiq start verilib ve cox suretlede gedir Rusiya bir sertle dagilma tehlukesinden ..certe.. biler oda ondaki ABS sanksiyalari qaldirsin oda mene bele gelirki mumkunsuz isdir.Yasayariq gorerik!

Etibar 2019-08-13 22:50:16

Qüdrət Həsənquliyev nədən belə narahatdır ki, biz hərb yolu ilə torpaqlarımızı azad edək? Qüdrət, xalqın adından danışmasın...

Oqtay 2019-08-13 22:50:16

Erməni ilə müharibəyə gedib sağ salamat qayıtmaq şansı hamıda var onu allah bilər öləndə də vətən yolunda şərəfli ölüm olur ailənə də dəyib dolaşan olmur ölən də tək sən ölürsən Ancaq mitinqə gedən də mütləq qeydiyyata düşürsən bundan qaçmaq olmur bunu allah bilmir gücü çatmır və tək sən yox bütün ailən qara siyahıya düşür.Müharıbədə ölmək bundan asan olur. Aydın məsələdir ki bunu moderator bütün mənim rəylərim kimi bunu da bu müəllifə yazdığıma görə qorxusundan buraxmayacaq

Azər 2019-08-13 22:50:16

Qüdrətin deyəsən ......

turk 2019-08-13 22:50:16

Ğörəsən ,onun özü nə dediyini başa düşür? Həbsdə olanları qınayır ki ,niyə Rusiyaya,İrana cavab vermirlər. Onları əl öpən adlandırır.Ay deputat sənin höküməton bəlkə Rusiyaya cavab verdi ?Heç Ermənistana cavab verə bilmirlər. Dystaqlardan Rusiyaya etiraz ğözləyir bu deputat. Mitinq haqqında da "məntiqi" çox ğüclüdür . Ay deputat ,demokratiyadan dəm vurursan ,100000 yox ,1 tək afamın da mitinq eləməyə hüququ var .

Son yazılar