Rəsul Quliyev Musavatın başqan namizədlərindən danışdı- "Əgər o başqan seçilərsə ..."

“İsa Qəmbərin başqanlıqdan çəkilməsinin özü də təqdirəlayiqdir”. Bu fikri Hafta.az-a açıqlamasında eks spiker, hazırda ABŞ-da mühaci həyatı yaşayan Rəsul Quliyev deyib.

O bildirib ki, İsa Qəmbərin sağ əli o biri uzunömürlülərin başına qoyulsun:“Hələ ki, mətbuatdan başqanlığa 3 namizədin adları hallanır. Onların ikisini tanıyıram və müəyyən mövzularda söhbətlərimiz də olub. İsa Qəmbərin getməsinin ancaq xeyri ola bilər fikrini demişəm. Ancaq onu da qeyd edim ki, onun yerinə Müsavat partiyası kənd müxbirini seçəcəksə getməsə daha yaxşıdır.

Belə bir iş baş verərsə “səslər saxtalaşdırıldı” ittihamları ortaya çıxacaq. Partiyanın intensiv parçalanması prosesi başlayacağını demək olmaz. Bəlkə də bu daha yaxşılığa aparacaq. İkinci namizəd Qubad İbadoğlu ilə görüşdüyümdə o çox gənc idi. Ancaq profesional iqtisadiyatı bilir. Savadı kifayət qədər yüksək idi. İndi də onun yazıları göstərir ki, o şüardan uzaq proqmotik insandır. Həmçinin siyasi vəziyyətə real qiymət verə bilir. Əgər o başqan seçilərsə partiyanın parçalanmasının qarşısı ya alınar ya da zəifləyər”.

R.Quliyev hər zaman gənclərə dəstək olduğunu bildirib: "Bildiyiniz kimi, həmişə ümumiyyətlə, gənclərin müxalifətin başına gəlməsini optimal variant hesab edirdim. İndi bu seçkidə Abbaslının da iştirak etməsi müsbət haldır. Ancaq təəssüf ki, cənab Abbaslının ambisiyasında real gücü nəzərə almır. Daha çox şüarlara söykənib. Şüar təfəkkürü ilə müxalifət 21 ildir hara çatıbsa maksimum nailiyyəti yeni ildə də yerində saymaq olar. Sözsüz söylədiklərim subyektiv fikirdir. Mətbuatda gedən yazıların əsasında formalaşmış çox qısa bir analizdir”.