BAKI POLİSİ GECƏ REYDLƏRİNƏ BAŞLAYIR! - “Fəvvarələr meydanı”ndakı biabırçılıq yığışdırılacaq...

Paytaxtda ictimai mənəviyyat əleyhinə və milli mentalitetə zidd olan hallara qarşı mübarizə gücləndirilir. Bu məqsədlə bu gündən başlayaraq, Bakı Şəhər Baş Polis İdarəsinin rəhbərliyi tərəfindən təsdiq olunan Tədbirlər Planına müvafiq olaraq, polisin səlahiyyətləri çərçivəsində konkret vəzifələr müəyyən olunaraq icraya yönəldilib.

“Report”un xəbərinə görə, bu barədə idarənin Mətbuat Xidmətinin rəisi, polis mayoru Elşad Hacıyev məlumat verib.

Onun sözlərinə görə, paytaxt sakinlərindən daxil olan müraciətlərin, müşahidə olunan sosial-neqativ halların təhlilləri göstərir ki, Bakıda fəaliyyət göstərən bəzi əyləncə-istirahət yerlərində - gecə klublarında, barlarda, otel və motellərdə, mərkəzi küçələrdə ictimai mənəviyyat əleyhinə, əxlaqa zidd hallar var: “Əxlaqa zidd olan bütün halların forma və təzahürlərinə qarşı mübarizənin effektivliyini artırmaq üçün milli-mənəvi dəyərlərimizə uyğun olmayan davranışların, ictimai əhəmiyyət kəsb edən digər neqativ halların qarşısının alınması üçün kompleks profilaktik tədbirlərin həyata keçirilməsi nəzərdə tutulur.

Əsasən Səbail rayonu ərazisində yerləşən “Fəvvarələr meydanı” və Nizami küçəsində, Nəsimi rayonu Səməd Vurğun və Nizami küçələrinin kəsişmələrində yüngül əxlaqlı həyat tərzi sürən şəxslərin profilaktikasına dair tərkibi əməliyyat, təhqiqat, ictimai təhlükəsizlik əməkdaşlarından ibarət fasiləsiz fəaliyyət göstərən xüsusi naryad qrupları yaradılıb.

Paytaxtda xidmətin nümunəvi təşkili və aparılması, asayişin, vətəndaşların qanuni mənafelərinin hüquqazidd əməllərdən etibarlı qorunması nəzarətdə saxlanılmaqla, müvafiq tədbirlər davam etdirilir.

Görülən işlər, həyata keçirilən tədbirlər barədə ictimaiyyətə mətbuat vasitəsilə mütamadi məlumatlar veriləcək".

635x100

Şərhlər

Bakili 2019-09-02 13:19:50

biri birden oz bacisini ve ya gardasini kameranin altinda opse ve cibinde pulu olmasa tutub Kurdexaniya ve ya Shuvelana aparacaglar? Seherde iki iki gezmek olmaz. Bes tek gezdikde fahise ve ya gey deyib tutacaglar?

oqtay 2019-09-02 13:19:50

Əxlaqa zidd olan bütün halların forma və təzahürlərinə qarşı mübarizənin artırmaq üçün milli-mənəvi dəyərlərimizə uyğun olmayan davranışların, qarşısının alınması üçün kompleks profilaktik tədbirlərin həyata keçirilməsi nəzərdə tutulur.Bunu eləməmişdən qabaq yazmaq lazımdır ki əxlaqa zidd deyəndənə nə başa düşülür hər polis öz əxlaqına uyğun başa düşəcək.Birdə ki bu milli mentalitetə nə daxildi cadra yoxsa mini Konkret yazmaq lazımdır ki hər kəs öz işini bilsin.Belədə isə polis zorakılığına yol açır

Son yazılar