İCRA BAŞÇISININ OĞLU KANADADA 2,2 MİLYONA EV ALDI – Başçının açıqlaması(Yenilənib)

Dərc olunub: 03/09/2019 - 19:07

nazim-ismayilovXəbər verdiyimiz kimi, Saatlı rayon İcra Hakimiyyətinin başçısı Nazim İsmayılovun oğlu Anar İsmayılovun Kanadada 1 milyon 300 min dollar (2 milyon 210 min manat) dəyərində əmlak aldığına dair məlumat yayılıb.Məlumata bununla bağlı sənədin şəkli də əlavə olunub.

Saatlı rayon İcra Hakimiyyətinin başçısı Nazim İsmayılov “AzPolitika.info”nın elektron poçtuna göndərdiyi məktubda həmin məlumatı təkzib edib: “Bildirirəm ki, yazıda qeyd olunanlar əsasız və böhtan xarakterlidir. Mən bunları rədd edir, dərc olunan sənədin saxta olduğunu bildirir və bəzi KİV-lərin reytinq naminə dəqiqləşmə aparmadan yalan məlumat yaymalarından dərin təəssüf hissi keçirirəm”.

***

1567494778_untitled-1

Saatlı rayon İcra Hakimiyyətinin başçısı Nazim İsmayılovun oğlu Anar İsmayılovun Kanadada şirkəti və mülkü üzə çıxıb. Azeuronews.com xəbər verir ki, başçı oğlunun şirkəti və mülkü Anar İsmayılovun Kanadanın paytaxtı Torontonun “North York” bölgəsində yerləşir.
Anar İsmayılovun mülkünün 1 milyon 300 min dollar (2 milyon 210 min manat) dəyərində olduğu bildirilir.

anarkanada

Qeyd edək ki, ölkəmizdə dəbdəbəli həyat tərzi sürən məmurlarından biri də Saatlının icra başçısı Nazim İsmayılov və ailə üzvləridir. 2001-ci ildən Göyçay, Şamaxı, Sabirabad rayonlarını idarə edən və hazırda Saatlının icra başçısı vəzifəsini tutan Nazim İsmayılovun bu və digər yollarla topladığı milyonları və mülkləri barədə ölkə mətbuatında təkzib olunmayan məlumatlar dərc olunub. Həmin məlumatlarda qeyd olunur ki,icra başçısının Bakıda bir neçə villası, yüzminlərlə manat dəyərində maşınları, başqa dəyərli obyektləri var.








loading...


Fikrinizi bildirin