ELMAN RÜSTƏMOV BANKINI SATIR, YOXSA...? - Növbədənkənar iclas çağırıldı

11 Oktyabr 2019-cu il tarixində "Bank Respublika" ASC səhmdarlarının növbədənkənar ümumi yığıncağı keçiriləcək.

"Marja" xəbər verir ki, yığıncağın gündəliyinə daxil olan əsas məsələ, Bankın mövcud səhmdar(lar)ı tərəfindən Bankda mühüm iştirak payının əldə edilməsinə səhmdarların ümumi yığıncağı tərəfindən razılıq verilməsidir.

Mühüm iştirak payı - səhmdar kapitalının və ya səsvermə hüququnun 10 və ya daha çox faizini təşkil edən, yaxud müqavilə əsasında iştirakçısı olduğu hüquqi şəxsin qərarlarının qəbul edilməsinə mühüm təsir göstərməyə imkan verən paya birbaşa və ya dolayı yolla sahiblikdir.

"Bank Respublika" ASC-nin səhmdarları (2018-ci ilin sonuna olan məlumat)

“AzPolitika.info” onu da qeyd edir ki, adıçəkilən bankın əsl sahibinin Mərkəzi Bankın İdarə Heyətinin sədri Elman Rüstəmov olduğu bildirilir. Elə bu səbəbdən də devalvasiyalardan sonra Azərbaycanın bir çox banklar kimi “Bank Respublika” ASC-nin də zərərinin artmasına və bu səbəbdən məcmu kapitalı aşağı düşməsinə bazxmayaraq,   fəaliyyətində elə də problem yaşamayıb.  E. Rüstəmov sahibi olduğu bankı bir çox tanınmış özəl banklar kimi iflas və müflis olmaq təhlükəsindən xilas etməyə nail olub.

Ancaq görünür  ölkədə yaranmış maliyyə problemləri “Bank Respublika” ASC-dən də yan keçməyib. Mümkündür ki, bankın xaricdən kapital əldə etmək, dövriyyəni sabit saxlamaq imkanları aşağı düşüb. Bundan çıxış yolu kimi də növbədənkənar iclasda bankın səhmlərinin əhəmiyyətli bir hissəsinin satıla bilər.

Hətta verilən məlumatdan belə görünür ki, mühüm iştirak payı satşıa çıxarıla və beləliklə Quliyevlərin adına olan səhmlərin əhəmiyyətli hissəsi  bir başqasına  keçə bilər. Bu kənar biri olarsa E. Rüstəmovun bankda söz sahibliyini itirməsinə gətirib çıxara bilər...

Ancaq o da mümkündür ki, E. Rüstəmov bankın səhnlərinin mühüm bir hissəsini  uzun illərdir onun biznesinin idarəçiliyini həyata keçirən Quliyevlərdən alaraq, bir başqasına versin.

Qeyd edək ki, Bankda ən böyük paya malik olan Quliyevlər ailəsi  Elman Rüstəmovun yerliləri (bəzi məlumatlara görə qohumudurlar-red.) olmaqla yanaşı, biznesini etibar etdiyi  adamlar kimi tanınıb.

Məlumatlı mənbələrin  bildirdiyinə görə, “Bank Respublika” ASC-nin əsas səhmdarlarından olan Natiq  Quliyev qardaşları Elçin və Namiq Quliyevlə birlikdə  Elman Rüstəmovun  Azərbaycanda müxtəlif sahələrə aid biznesini idarə edirlər . Bura Rüstəmova aid bəzi maşın salonları, restoranlar, şadlıq evləri, quşçuluq təsərrüfatı  və sair aiddir.

Məsələn, Rüstəmova məxsus olduğu deyilən “Səba Broyler” şirkətinin rəhbəri Namiq Quliyev “Bank Respublika”nın prezidenti Natiq Quliyevin qardaşıdır.

Bundan əlavə , "Planet" şadlıq sarayının, "Subaru", "Bakı İnvest Holdinq"in, "Bakı Sığorta",  "Honda", "Mitsubishi", "Bakı taksi"nin Rüstəmovun biznes şəbəkəsinə daxil olması, Quliyev qardaşları tərəfindən idarə olunmasına dair məlumatlar yayılıb. 

Ancaq son illər Quliyevlər qardaşlarının Elman Rüstəmovun inamını sarsıdacaq əməllərə yol verməsi ilə bağlı müxtəlif məlumatılar yayılıb. 2 il əvvəl qardaşlardan birinin - Elçin Quliyevin “Bank Respublika” ASC-nin birbaşa rəhbərliyindən kənarlaşdırılması da bununla bağlanmışdı.

Mümkündür ki, Elman Rüstəmov digər qardaşın - Natiq Quliyevin də səhmlərini əlindən alaraq bir başqasına vermək, onun  “Bank Respublika” ASC-də söz sahibi olmasına son vermək qərarı verib...

Hər halda “Bank Respublika” ASC-də nə baş verdiyi, bankın "əl" dəyişdirib, dəyişdirməyəcəyi gələn ay  məlum olacaq.

Yazıdakı iddialarla bağlı adları çəkilən şəxslərin də mövqeyini işıqlandırmağa hazırıq.

Elman

AzPolitika.info

Şərhlər

Azəri 2019-09-07 11:31:45

Millətin puludur. Yəqin cahangir kimi və başqa cahangirlər ki bu da bir neçə milyard çırpışdırıb, indi də elə vəziyyət yaranıb ki qaytarmalıdır heç olmasa bir hissəsini

EJDER 2019-09-07 11:31:45

AYE ,BESDIRIN INKIWAF ETDINIZ,ARADAN CIXMAQ VAXTIDIR,SARAKOZI CANI

Vidadi 2019-09-07 11:31:45

Bu siyahidə Mariyyanın hansı millətin nümayəndəsi olması xüsusi maraq kəsb edir.Araşdıran olsa bir çox mətləblərin üstü açılar.

mehdi 2019-09-07 11:31:45

Emil Rüstemov kimdi?Bnak respublika arasdirilmali və bağlanmalidir.Səbəbi olaraq.deyirəm.Alatava Şöbəsinin kredit rəsmiləşdirməsidir.Mərkəzi bankin qanunlarina görə ancaq bank filiali kredit verə bilər.Alatava söbəsi subaru maşinlarini burda rəsmiləşdirirdi.dövriyyədə göstərmirdilər.Şöbə ancaq pul köcürməsi və depozit cəlb edə bilər.MBNP bu məsələ ilə bağlı arasdirma aparsin.banki lisenziyasi ləğv edilməsi üçün Vergilər nazirliyinə və Auditorlar palatasina Cagiriş edirəm.

Son yazılar