“BİZ ONLARI SATIN ALSAQ BELƏ...” – YAP-çı deputat mövqeyini dəyişən müxalifətçiləri “düşmən” adlandırdı! (ŞOK)

“Düşmən gəlib içəriyə daxil olacaq və bir gün yenə öz düşmənçiliyini göstərəcək. Çünki onlarda qərəz deyil, mərəzdir”.

“AzPolitika.info”-nun məlumatına görə, əvvəllər müxalifətdə olmuş, sonradan mövqeyini dəyişərək iqtidar tərəfə keçmiş siyasətçilərlə bağlı belə sərt fikri Yeni Azərbaycan Partiyasının (YAP) yaradıcılarından və məşhur “91-lər”dən olan deputat Eldar İbrahimov deyib. O, demokrat.az saytına açıqlamasında bu mövzuda danışıb.

Eldar İbrahimov hakimiyyətə tərəf keçib pul, vəzifə və mandat alan şəxsləri “düşmən” adlandırıb: Biz onları satın alsaq belə, Azərbaycandakı inkişafı, əmin-amanlığı gözü götürməyən xarici qüvvələr var. İstəsək də, lap çox pul versək də, onlar milli maraqlarımıza xidmət etməyəcəklər. Çünki xarici qüvvələrin əlində idilər. Onların məqsədi xarici qüvvələrdən çoxlu pul alaraq, hakimiyyəti ələ keçirtmək idi. Düzdür, bəziləri bizim tərəfimizə keçdi, pul qazandı, hətta, deputat da oldu. Amma bir şeyi deməliyəm ki, düşməndən sənə dost ola bilməz. Düşmən gəlib içəriyə daxil olacaq və bir gün yenə öz düşmənçiliyini göstərəcək. Çünki onlarda qərəz deyil, mərəzdir. Ona görə onların dostluğu bizə lazım deyil”.

Deputat açıqlamasında müxalifəti də xarici qüvvələrə işləməkdə ittiham edib. “Dediyim kimi, xarici qüvvələr imkan verməyəcək ki, onlar Azərbaycana xidmət göstərsin. İndi hansı müxalifətçinin xarici ölkədə evi, imkanı yoxdur?! Bunu bütün Azərbaycan xalqı bilir…” – deyə E. İbrahimov bildirib.

Fikrimizcə, E.İbrahimovun mövqeyini dəyişən müxalifətçilərlə bağlı belə sərt fikirləri, onları hətta düşmən adlandırması anlaşılmaz olmaqla yanaşı həm də iqtidarın uzun illərdir apardığı siyasətə qarşı çıxmaqdır.

R.Əliyev

AzPolitika.info

Şərhlər

Bashirov Qarib 2019-09-08 17:56:33

Anlayan oldumu,bu nə danışır, belə.Danışdıqca batırlar. Sussalar daha yaxşıdır.

bayraməli 2019-09-08 17:56:33

Mən tarixi nadiri oxumuşam bunun dediyindən bir şey anlamadım,BƏLKƏ SİZ ANLADIZ.

Faiq 2019-09-08 17:56:33

O bilir kimləri düşmən adlandırır, bir az fırladıb deyir. Ay deputatmı deyim, nə deyim bilmirəm. Mən siyasətçi deyiləm. Ancaq millətin, dövlətin, hakimyətin müxalifəti olar ki, rəqabət olsun cəmiyyət, iqtisadiyyat inkişaf etsin. Bunu sən niyə dərk eləmək istəmirsən ya da ki sənin dərrakən elə bu qədərdir. Bu deputatların, məmurların harınlığını kimsə deməlidir ya yox? 100 milyardlar yox olub. Onu kimsə yada salmalıdır ya yox? Qarabağı 26 ildir alan yox yaddan çıxıb. Yada salan lazımdırmı? Rüşvət talan yerlibazlıq ədalətsizlik baş alıb gedir. Kimsə soruşmalıdırmı? Normal millətin hakimyətin müxalifəti olamalıdır. Rəhmətlik UlU ÖNDƏRİMİZ də müxalilifətin mövcudluğuna imkan verirdi. Və heç vaxt müxalifətə düşmən deməmişdir. Əslində hakimyəti 40 faiz müxalifət idarə edir. Əyrini deyir tələb edir yazır, hakimyət də düzəldir. Sənin kimilər erməniyə düşmən demir, ancaq müxalifəti öz millətimizi düşmən hesab edirsən. İndi fikirləş millətin düşməni kimdir?

Müəllif 2019-09-08 17:56:33

Elə bunun özü və yaxınları kreslo mərəzləridir. Yaxınlarına yeni qoltuq tapa bilmədiyi üçün yol axtarır. Bunun kimi çoxlu 88-lər, 91-lər, 92-lər, 2003-lər və s. də var. ........

Köntö 2019-09-08 17:56:33

Adə bunlar nə danışır? Əvvəl S.Novruzov, indi də E.İbrahimov.Deməli müxəlifətdəsənsə düşmənsən.A kişi düşmən ermənidir ey, Qarabağda yallı gedir.Birincisi cənab Eldar İbrahimov, düşmən adlandırdığın müxəlifətdən, yəni AMİP-dən YAP-a keçən AR-nın Baş Naziri Novruz Məmmədov, AR-nın Baş Nazirinin müavini Əli Əhmədov və Dini Qurumlarla İş üzrə Dövlət Komitəsinin sədri Mübariz Qurbanlı və neçə-neçə deputatlar.Siz demək istəyirsiniz onlar düşməndirlər? İkincisi yazırsınız ki “hansı müxalifətçinin xarici ölkədə evi, imkanı yoxdur?!”. Siz yəni S.Novruzovun eks YAP-çı nazirlərin milyardlar yediyi haqqındakı yazısını oxumamısınız? Sual olunur hansı məmurun, xaricdə evi yoxdur? Onların övladları ehtiyyat tədbiri kimi artıq xarici ölkə vətəndaşıdır.Yəni bu analoqu olmayan məsələrdən xəbəriniz yoxdur?

Son yazılar