ONLAR DA ŞƏHİD HESAB EDİLƏCƏK - Baş nazir qərar imzalayıb

Nazirlər Kabineti “Şəhid adının əbədiləşdirilməsi və şəhid ailələrinə edilən güzəştlərin tətbiqi qaydaları”na dəyişiklik edib. Bununla bağlı Baş nazir Novruz Məmmədov qərar imzalayıb.

Dəyişikliyə əsasən, Azərbaycan Respublikasının azadlığı, suverenliyi və ərazi bütövlüyü ilə əlaqədar Azərbaycan Respublikasının qanunvericiliyi ilə müəyyən edilmiş digər hadisələrdə, o cümlədən atəşkəs dövründə döyüş şəraitində olan hərbi hissələrdə və ya daxili işlər, dövlət təhlükəsizliyi və xarici kəşfiyyat orqanlarında döyüş tapşırığının və ya döyüş təminatı ilə bağlı tapşırıqların yerinə yetirilməsi üzrə xidməti vəzifəsinin icrası zamanı həlak olmuş, itkin düşmüş və məhkəmənin qərarına əsasən ölmüş hesab edilmiş şəxslərin siyahısına Xüsusi Dövlət Mühafizə Xidməti əməkdaşlarının da adları daxil edilib.

Qərara müvafiq olaraq şəhid ailəsi statusu gizir və zabit heyəti üçün Müdafiə Nazirliyinin, Daxili İşlər Nazirliyinin, Dövlət Təhlükəsizliyi Xidməti, Xarici Kəşfiyyat Xidməti, Dövlət Sərhəd Xidməti ilə yanaşı, Xüsusi Dövlət Mühafizə Xidmətininn kadrlar idarəsi, digər hərbi qulluqçulara hərbi qeydiyyatda olduqları Səfərbərlik və Hərbi Xidmətə Çağırış üzrə Dövlət Xidmətinin müvafiq olaraq yerli idarə, şöbə və bölmələri, mülki vətəndaşlara isə rayon (şəhər) icra hakimiyyəti orqanlarının verdiyi arayışlarla təsdiq olunacaq.

Şərhlər

ayrım 2019-09-11 18:50:33

4iyun Gəncə qiyamında azərbaycanın bütövlüyü uğrunda həlakolmuş prezident Qvardiyasınınn komandanı əslən Gədəbəydən olan Tahir Məmmədova Allah rəhmət eləsin və bu gün onun ruhu şad olur ki o da şəhid adına layiq görülür....

t.ədalət 2019-09-11 18:50:33

Şəhidlik zirvədir.Yalnız Vətən üçün canlarını fəda edənlərə verilə bilər.Dövlətçiliyi və ayrı-ayrı vəzifəli şəxsləri müdafiə edərkən ölənlərə isə başqa bir fərqləndirici ad seçmək doğru olar.Çünki Vətən və torpaq uğrunda şəhid olanlara kimi qoşursansa-qoş,ona şəhid deyilməyəcək!Şəhidliyi qazananlar əbədilik qazanırlar!Fədakarlıq qazananlara şəhid demək olmaz!

Son yazılar