Gürcüstanda Krım-Konqo qızdırmasından bir nəfər ölüb

Dərc olunub: 17/09/2019 - 09:45

de07cd11-04d4-4f1c-bafa-4b4e2c926445Gürcüstanın Samtsxe Cavaxeti bölgəsinin Aspindza qəsəbəsində 30 yaşlı kişi Krım-Konqo hemorragik qızdırması virusundan ölüb.

“Report”un Gürcüstan bürosu xəbər verir ki, ölüm faktı sentyabrın 13-də qeydə alınıb.

Virusa yoluxan şəxs Tbilisiyə çatdırılsa da, vəziyyəti ağır olduğundan onun həyatını xilas etmək mümkün olmayıb.

Gürcüstanın Xəstəliklərə Nəzarət və İctimai Sağlamlıq Milli Mərkəzindən bildirilib ki, Krım-Konqo qızdırması gənələrin miqrasiyasının daha fəal olduğu yay və payız ayının əvvəlində yaranır.

Mərkəzdən qeyd olunub ki, bu il Gürcüstanda Krım-Konqo virusuna 6 nəfər yoluxub, 3 nəfər ölüb.








loading...


Fikrinizi bildirin