Fuad Qəhrəmanlı AXCP sədrinin müavini vəzifəsindən istefa verib
Fuad Qəhrəmanlı Azərbaycan Xalq Cəbhəsi Partiyasının (AXCP) sədrinin müavini vəzifəsindən istefa verib.
"Report"un məlumatına görə, o, bu barədə özünün "Facebook" səhifəsində yazıb.
O, istefasının səbəbini ailəsində yaranan məişət problemlərinin ictimailəşdirilməsi ilə əlaqələndirib: "Hər zaman AXCP və onun lideri Əli Kərimli mənim üçün siyasi fəaliyyətimin mənası, məhvəri olub. Ona görə də nə liderimə, nə də ki AXCP-yə bir ziyan dəyməməsi üçün hər zaman hər cür fədakarlığa hazır olmuşam. Barəmdə deyilən ittihamlar təhrif olunub və mən həbs olunmazdan 4-5 il öncə konfliktli situasiya zəminində qısamüddətli ailədaxili münaqişə yaşamışam. Bu baş verənlərə görə də peşmanam. Bu zaman yaşanan gərginlik övladlarımda mənəvi travma yaradıb və Selcanın açıqlaması da bu travmadan doğan emosional reaksiya olub. Ancaq bundan sonra Zümrüdlə 5 illik birgə həyat sürməklə, əslində, biz o dönəmin yaralarını sarmışdıq. Selcanın statusunda qeyd etdiyi fikirlərlə bağlı polemikaya girməyi mənəvi baxımdan özümə uyğun görmədiyimdən onunla bağlı gerçək motivləri də aydınlaşdırmağı doğru saymıram. Bütün bunlara baxmayaraq, mən indiki halda öz haqlılığımı deyil, AXCP-nin nüfuzunu və ona qara yaxmaq istəyənlərin məkrli niyyətlərinin qarşısını almağı əsas götürərək AXCP sədrinin müavini postundan istefa verirəm".
Qeyd edək ki, sentyabrın 19-da F.Qəhrəmanlının qızı Selcan Yağmur atasından imtina etməsi ilə bağlı məlumat yayıb. O, imtinaya səbəb kimi özünün, bacısının və anası Zümrüd Yağmurun F.Qəhrəmanlı tərəfindən dəfələrlə təzyiq və şiddətlərə məruz qalmasını göstərib.
Şərhlər
Əlbəttdə əqidəsindən,kimliyindən asılı olmayaraq bir azəri ailəsinin faciəsi agırdır, üzücüdür.Bu, millətin tanınmışı, güvəndiyi kəslərdirsə təssüf ki,bu ikiqat üzücüdür.ALLAHdan başqa hamı səhv edər.Amma bu səhvlərinə,faciələlərinə baxmayaraq bu insanlar özlərində güc taparaq siyasi mədəniyyətini ortaya qoyub istefa verir.Həm də aydın olur ki, bu ailədə 2 azad fikirli,düşüncəli, ləyaqət və şərəfli vətən övladı böyüyüb.Göründüyü kimi, bunlar AZADLIGI tək hakimiyyətdən yox hər kəsdən tələb edə bilir.Düşünün.
Fuad Qəhrəmanlı müxalifət düşərgəsində olan beş-on nəfər dəyərli insanlardan biridir.Belə fədakar bir türk balasına qarşı olanlar bizdən deyil.Təəssüflər olsun ki,sosial şəbəkələrə doluşanların əksəriyyəti savadsız,cılız və milli təəssübkeşliyi olmayanlardır.Öz əxlaqını qorumağı bacaranlar başqasının həyatına qarışmaz.Təəssüf,min təəssüf ki bu gün Vətəniumizin düşmən tapdağında olduğu bir vaxtda gərəkli adamlarımıza şər-şəbədə yazanlar var.Onların əksəriyyəti,əlbəttə,beşinci kolona məxsus olanlardır.