Bakı sakini “KaMAZ” markalı yük avtomobilinin təkərləri altında qalaraq ölüb
Baxiş sayı:
Dərc olunub:
20/09/2019 - 23:06
Nərimanov rayonunda ölümlə nəticələnən qəza baş verib.
APA xəbər verir ki, hadisə Ziya Bünyadov prospektində qeydə alınıb.
Belə ki, 1965-ci il təvəllüdlü Yelsevic Yuri Aleksandroviç qəfildən prospekt ərazisinə çıxıb. “KaMAZ” markalı yük avtomobilinin sürücüsü onu vurmaqdan yayınsa da, Y.Yelsevic yük avtomobilinin arxa təkərlərinin altına düşüb. Nəqliyyat vasitəsi onun üzərindən keçib. Nəticədə piyada hadisə yerində ölüb.
Əraziyə Nərimanov Rayon Polis İdarəsinin əməkdaşları cəlb edilib. Müəyyən edilib ki, ölən şəxs sərxoş vəziyyətdə olub.
Avtotexniki ekspertiza təyin edilib.
Şərhlər
Hər hansısa bir şərh yazılmayıb.