Poroşonko xalqı əmin etdi - "O dövrə qayıtmayacağıq"

Ukrayna prezidenti Pyotr Poroşenko əminliklə bildirib ki, ölkəsi bir də dəhşətli sovet dövrünə qayıtmayacaq. Avropa.info-nun xarici KİV-ə istinadən verdiyi xəbərə görə, Poroşenko Ali Radanın 16 sentyabrda ölkəsinin Avropa Birliyi ilə imzaladığı assasiativ sazişi ratifikasiya etməsini müsbət hal kimi qiymətləndirib və bunu Ukraynanın inkişafa doğru atdığı ən iri addımlardan hesab edib.

Poroşenkonun sözlərinə görə, bu sazişdən sonra Ukraynanın Avropa Birliyinin üzvü olması daha da asanlaşacaq.

Poroşenko ölkənin şərqində baş verən hadisələrdən də danışıb: "Ukraynanın şərqində baş verən hadisələr terrorizmə qarşı mübarizədir. Mən əminəm ki, Biz Ukrayna xalqının və dünya ictimaiyyətinin köməyi ilə Ukraynada terrorun kökünü kəsə biləcəyik".