"ALIŞANOVDAN 70 MİLYONU NİYƏ ŞORUŞMURSUNUZ?!" - Zakir Qaralova müraciət

“Hörmətli Zakir müəllim, sosial şəbəkələrdə sizin məlum ailə-məişət zorakılığı qalmaqalı, artıq keçmiş deputat Rəfail Cəbrayılovun dələduzluğu barədə çıxışınızı gördüm. Ümid edirdim ki, nəhayət, AzTV-nin keçmiş sədri Arif Alışanovun əməlləri barədə, onlara hüquqi qiymət veriləcəyindən də danışacaqsız. Sizə ünvanladığımın çoxsaylı müraciətlərin cavabsız qalmasına rəğmən, ədalətin geri gələcəyinə ümidim tam öləziməmişdi. İndi də var! Əminəm ki, haqq-ədalət bərpa olunacaq, mənim Alışanovun sifarişi ilə günahsız həbs olunan atam azadlığa çıxacaq, bu cinayətdə əli olan hər kəs qanun qarşında cavab verəcəklər”.

Bu fikirlər AzTV-nin keçmiş sədri Arif Alışanova sui-qəsddə təqsirləndirilərək 16 il müddətinə azadlıqdan məhrum edilmiş Şücayət Əkbərovun qızı Cəmilə Tağıyevanın Baş prokuror Zakir Qaralova media vasitəsi ilə ünvanlandığı müraciətdən götürülüb.

Müraciətdə sözügedən cinayət işi və Arif Alışanovun AzTV-yə rəhbərlik etdiyi dövrdə sahibləndiyi milyonlarla dollarlıq var-dövlətin mənbələrinə toxunulur: “Korrupsiyaya qarşı mübarizə haqqında” Qanunun 2-ci maddəsinin 2.1.4.-cü bəndinə görə, “Dövlət orqanlarının müvafiq struktur vahidlərindən dövlət idarə, müəssisə və təşkilatlarında, habelə dövlətin nəzarət-səhm zərfinə sahib olduğu təsərrüfat subyektlərində təşkilati-sərəncamverici və ya inzibati-təsərrüfat funksiyalarını həyata keçirən şəxslər, həmin Qanun 2.1-ci maddəsinə əsasən korrupsiya ilə əlaqədar hüquqpozmaların subyektləridirlər.

Həmin qanunun 9.2.1-ci maddəsinə görə “vəzifəli şəxsin xidməti vəzifəsinin icrası ilə əlaqədar hər hansı hərəkətin edilməsi…” bu qanunun 9.2-ci maddəsinə əsasən korrupsiya ilə əlaqədar hüquqi pozmalarıdır.

Yüzdən çox daşınmaz əmlakı Arif Alışanovun həyat yoldaşının, qızının, bacısı qızının, kürəkəninin, sürücüsünün adlarına almasını təsdiq edən rəsmi dövlət sənədləri var. Və bu var-dövləti əldə etmək üçün 70 milyon manatdan çox vəsait xərclənib. Bu əmlakların sənədlərinin surətlərini də təqdim edə bilərəm. A.Alışanovun əməkhaqqı 1800-2000 manat olduğu halda, bu qədər var-dövləti hansı yolla əldə edib? O, çəkinmədən və utanmadan mənim atam Şücayət Əkbərovdan 7.000.000 manat zərər tələb edir. Bu qədər vəsaitin iddiasında olan Alışanovla bağlı aidiyyatı dövlət qurumları araşdırma aparmalı deyillərmi?!”

C.Tağıyeva daha sonra məhkəmə qərarı olmadan ailə üzvlərinin zorla polisə aparılmasını, orada məcburi şəkildə əmlaklarının A.Alışanovun yaxın adamlarının adına keçirilməsini xatırladır: “Cənab Baş prokuror! Bu qanunsuzluq, cinayət əməli barədə dəfələrlə media orqanlarında çıxışlarımız, Siz də daxil olmaqla, hüquq-mühafizə orqanlarının rəhbərlərinə müraciətlərimiz olub. Amma daşdan səs çıxsa da, dövlət qurumlarından səs çıxmayıb. Biz də bu ölkənin vətəndaşıyıq, hüquqlarımız da Arif Alışanovla eynidir, Konstitusiyada təsbit olunan təməl bərabər hüquqlarımız var. O zaman bizə qarşı bu ayrı-seçkilik, qanunsuzluq niyə cavabsız qalmalıydı? İstinataqa nəzarət edən prokurorluq orqanları niyə Arif Alışanovun uydurduğu böhtanları müdafiə etdi? Mənim atam öz zəhməti ilə dolanan insandır, onun Arif Alışanova ancaq yaxşılığı keçib. AzTV sədri qulluq mövqeyindən, hüquq-mühafizə orqanlarındakı əlaqələrindən istifadə edib bizi şərləyib həbsə, işgəncəyə, səfalətə yuvarlayanda niyə müdaxilə etmirdiz?”.

Cəmilə Tağıyeva müraciətinin sonunda Baş prokurordan gec də olsa ədalətli, qanunamüvafiq reaksiya gözlədiyini ifadə edib: “Hörmətli Zakir müəllim! Təkcə A.Alışanovun əldə etdiyi qanunsuz var-dövlətin mənbələrinin bir qisminə nəzər yetirsəniz, hər şey ortaya çıxar. Çünki bütün fəaliyyəti Korrupsiyaya qarşı Mübarizə Baş İdarəsinin araşdırma predmetidir. Onun qanun qarşısında günahları aşkara çıxarılsa, əmin olun, atamın və onunla birgə qanunsuz həbs olunmuş insanların günahsızlığı üzə çıxacaq. Bu addımı atmaq Baş Prokuror kimi Sizin qanun, ədalət qarşısında müqəddəs borcunuzdur. O zaman bizim kimi korrupsioner məmurların hikkəsi, qanunsuzluğu, şər-böhtanı qarşında əzilən, çarəsiz qalan insanların dövlətin ədalətinə inamı qayıdar. Sizdən hərəkət gözləyirik, cənab Baş prokuror!”.

"AzPolitika"

635x100

Şərhlər

Azadə 2019-10-03 17:48:32

Hörmətli azpolitika ictimai Tvde olan yanğında da bu Arif müəllimin yaxın adamlarının günahı qeyd olunur. Bəs niyə açıb ağartmırlar deyesen rehberlik de Arif müəllimdən qorxur. Bir araşdırın görün sebebi ne imiş yanğının? Niyə ictimaiyyətə melumat verilmedi?

EJDER 2019-10-03 17:48:32

AYE VAR,,DRUWBA,,NIN ARXASINDA COXMERT. BINA,LUKAWENKO CANI

Sabir 2019-10-03 17:48:32

Ay xanım,70 milyon YAP üzvləri üçün nədir ki,hələ onun adını çəkirsən? 2-3 milyard yeyən Yeni Azərbaycan partiyasının üzvlərindən kim sorğu etdi ki,70 milyonu araşdırsınlar.Sadə vətəndaş bir toyuq,qoyun oğurlasa polis dəprokuror da,məhkəmə də şirə,aslana dönüb 3-5 il həbsxanaya salır.Nə edək.bizə də belə məmurlar rast gəlib.Allah özü kömək olar,inşaallah!

EJDER 2019-10-03 17:48:32

BUTUN BUNLARA ,TALANA,ANALOQU OLMAYAN INKIWAF DEYILIR.KIM DUZGUN IWLEYEN NAZIRIN ADINI CEKSE,ONA BIR MILYON MUKAFAT VERELEJEK,LUKAWENKO CANI...YOXDUR HAMISI....R

Azer 2019-10-03 17:48:32

Bu yaxinlarda Ictimaide yangin oldu sorushan yoxdu ki bu ucuz ve keyfiyyetsiz temir ishleri ucbatindan olub. Pullar bele yerlerden yoxa cixib.

t.ədalət 2019-10-03 17:48:32

Arif Alışanov.... Bizim ölkədə.... yarğılanmır.

. 2019-10-03 17:48:32

ARTUR RESIZADE.HELE esitmemisem ki onun hardasa obyekti restorani var

Son yazılar