Rusiyadan Azərbaycanda yeni Baş Nazir təyinatı ilə bağlı açıqlama

“Əli Əsədov illər ərzində Azərbaycan Prezidenti İlham Əliyevə, xalqına sədaqətini sübuta yetirmiş bir peşəkardır. Heç şübhəsiz, İlham Əliyevə dahi atası, müasir Azərbaycan dövlətinin banisi Heydər Əliyevin yolunu davam etdirməyə iqtisadi müstəvidə kömək edəcək”.

Bu barədə “Report”un Rusiya bürosuna Rusiya Dövlət Duması Federal Məclisinin beynəlxalq işləri komitəsinin sədri Leonid Slutskiy bildirib.

“Biz Azərbaycanı qəlbimizdə daşıyan insanlar bu ölkə Prezidentinin komandası ilə sıx əlaqədə qalaraq işlərin bundan sonra da ardıcıl və səmərəli şəkildə davam edəcəyinə ümidvarıq. Yeni Baş Nazirə uğurlar, müvəffəqiyyətlər, Prezidentin tapşırdığı bütün ciddi vəzifələri səmərəli yerinə yetirməyi arzulayırıq. Həmçinin Nazirlər Kabinetinin yeni komandasına da hər cür müvəffəqiyyətlər diləyirik”, - deyə rusiyalı deputat qeyd edib.

Şərhlər

t.ədalət 2019-10-09 18:38:21

Vəzifəyə təyin olunan məmurlarımız haqqında Rusiyanın münasibət bildirməsi faciədir.Bizi müstəmləkə yerinə qoyan rusiyalı məmurlar,deyəsən, lap həddi aşıblar.Unudurlar ki,rus imperiyası bir daha bərpa oluna bilməz.Ən azından dünyanın böyük dövlətləri belə lüzumsuz arzuları beşikdəcə söndürər.

Son yazılar