MÜSAVAT PARTİYASININ BAŞQANI SEÇİLDİ - Səsvermənin nəticələri açıqlandı 

Müsavat Partiyasının IX qurultayında səsvermənin nəticələri elan edilib. Səsvermənin nəticələrinə görə Arif Hacılı yenidən Müsavat Partiyasının başqanı seçilib

"AzPolitika.info"nun məlumatına görə bu barədə sesvermənin nəticəsi barədə məlumat verən Say Komissiyasının sədri Gülağa Aslanlı bildirib. Bülletenlər jurnalistlərin müşahidəsi altında sayılıb. 333 bülleten etibarlı, 5 bülleten etibarsız hesab olunub.

Namizədlərdən Arif Hacılı səslərin 262-ni, Tofiq Yaqublu 51-ni,  Yadigar Sadıqlı isə 20-ni alıb. Beləliklə, A.Hacılı Qurultay iştirakçılarının səslərinin 50 faizindən artığını qazandığı üçün partiyanın başqanı seçilib.

Qeyd edək ki,  sesvermənin nəticəsinə İsa Qəmbərin son anda söz alaraq Arif Hacılını yenidən dəstəkləməsi, digər namizədləri ittiham edən fikirlər səsləndirməsinın də ciddi təsir göstərdiyi bildirilir .

***

Müsavat Partiyasının  yeni başqanının kim olacağı yaxın dəqiqələrdə bilinəcək. "AzPolitika.info"nun məlumatına görə, bir qədər əvvəl səsvermə prosesi başa çatıb. Hansı səslərin keçərli hesab olunması razılaşdırıldıqdan sonra büllütenlərin sayılmasına başlanılıb.

Qurultayda partiya sədri ilə yanaşı Mərkəzi Nəzarət-Təftiş Komissiyasının və  Məclis üzvlüri də seçiləcək.

Xatırladaq ki, partiya başqanlığına 3 nəfər namizədliyini irəli sürüb. Bunlar hazırki başqan Arif Hacılı, partiyanın Divan üzvləri Tofiq Yaqublu və Yadigar Sadıqlıdır.

Partiyanın Mərkəzi Nəzarət-Təftiş Komissiyasının üzvlüyünə 10, Məclis üzvlüyünə isə 116 nəfər namizədliyini irəli sürüb.