Jurnalistlərin qatilləri barədə məlumata 10 milyon dollar veriləcək
Baxiş sayı:
Dərc olunub:
20/09/2014 - 09:03
ABŞ Konqresi Ceyms Fouli və Stiven Sotloffun oğurlanması və qətlində əli olan şəxslər barədə məlumata görə 10 milyon dollara qədər mükafatı nəzərdə tutan qanun layihəsini yekdilliklə qəbul edib.
APA-nın RİA Novosti agentliyinə istinadən verdiyi xəbərə görə, sentyabrın əvvəlində “İslam Dövləti” terrorçu qruplaşması ABŞ vətəndaşı, 2013-cü ildə Suriyada oğurlanan Stiven Sotloffun başının kəsilməsi səhnəsini əks etdirən videoçarxı internet vasitəsi ilə yaymışdı.
Bundan əvvəl “İslam Dövləti” qruplaşması digər amerikalı jurnalist, 2012-ci ildə Suriyada əsir düşən Ceyms Foulini edam etmişdi. Terrorçular bəyanatlarında ABŞ İraqdakı hərbi əməliyyatlarını davam etdirdikləri təqdirdə amerikalıları qan içində boğacaqlarını vəd etmişdilər.
Şərhlər
Hər hansısa bir şərh yazılmayıb.