Jurnalistlər İlham Əliyevə müraciət ediblər - Əfqan Muxtarlı ilə bağlı 

Arif Əliyev, Elçin Şıxlı, Qulu Məhərrəmli və Mehman Əliyev həbsdə olan jurnalist Əfqan Muxtarlı ilə bağlı ölkə başçısı İlham Əliyevə müraciət ünvanlayıblar.

BakuPost xəbər verir ki, onlar Dövlət Müstəqilliyi günü ərəfəsində jurnalistin həbsdən azad edilməsini xahiş ediblər və bunun bütünlüklə ölkədəki mühitin də sağlamlaşmasına təsir göstərəcəyinə əmin olduqlarını bildiriblər.

Məlumat üçün bildirək ki, ötən il məhkəmənin qərarı ilə 6 il azadlıqdan məhrum edilmiş jurnalist Əfqan Muxtarlının vəkili Nemət Kərimli sosial şəbəkələrdə onun səhhətinin ağırlaşması barədə məlumat yayıb. Vəkil, Muxtarlının həbsdən azad edilməsi məsələsini “hakimiyyətin yadına salınması və ictimaiyyətin diqqətində saxlanılmasını” vacib bilir:

“Hüquqlarını müdafiə etdiyim Əfqan Muxtarlı şəkər və qan təzyiqi xəstəliklərindən ciddi əziyyət çəkir. Sentyabr ayının əvvəllərində penitensiar xidmətin tibbi əməkdaşları onu müayinə etsə də, nəticələri barədə nə mənə, nə də onun özünə məlumat verilməyib, yəqin ki, çox ciddidir.

Əvvəllər ölkə həyatı üçün əlamətdar günlərdə siyasi məhbuslarla bağlı geniş əfv fərmanının olacağı barədə qeyri hökumət təşkilatları, ictimai və siyasi fəallar, hətta hakimiyyət nümayəndələri bəzi məlumatları cəmiyyətə sızdırırdılarsa da, indi bunlar dəbdən düşüb.

Bir neçə gündən sonra oktyabrın 18-də Dövlət Müstəqilliyinin bərpası günü qeyd olunacaq.

Bu bayram münasibətilə Ə.Muxtarlının və digər siyasi məhbusların azad edilməsi onun ailəsinə, uşaqlarına bayram töhfəsi olardı. Bayram ərəfəsində bu məsələnin hakimiyyətin yadına salınması, ictimaiyyətin diqqətində saxlanılması yaxşı olardı”.

635x100

Şərhlər

Hər hansısa bir şərh yazılmayıb.

Son yazılar