İsitirahət günü hava necə olacaq? - Proqnoz
Sabah Bakıda hava yağmursuz olacaq
Sabah ölkə ərazisinə sabit hava şəraiti hökm sürəcək. Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova ANS PRESS-ə açıqlamasında bildirib ki, sentyabın 21-i Bakıda və Abşeron yarımadasında havanın dəyişkən buludlu keçəcəyi, arabir tutulub açılacağı gözlənilir.
Mülayim şimal küləyi əsəcək. Temperaturun gecə 18-20°, gündüz 20-25° olacaq. Atmosfer təzyiqi 761 mm civə sütunu, nisbi rütubət 75-85% təşkil edəcək.
Rayonlarda, xüsusilə qərb rayonlarının bəzi yerlərində şimşək çaxacaq, yağış yağacaq. Qərb küləyi əsəcək, arabir güclənəcək. Dağlıq ərazilərdə nisbətən güclənəcək. Aran rayonlarında gecə 17-22°, gündüz 23-28°, dağlıq ərazilərdə gecə 5-10°, gündüz 11-16° isti olacağı gözlənilir.
Şərhlər
Hər hansısa bir şərh yazılmayıb.