Tramp Çili Prezidentinə dəstək verib
ABŞ Prezidenti Donald Tramp və Çili Prezidenti Sebastian Pinyera arasında telefon danışığı olub.
APA-nın xəbərinə görə, bu barədə Ağ Ev məlumat yayıb.
D. Tpamp Çili Prezidentinin Asiya-Sakit Okean İqtisadi Əməkdaşlığı (APEC) sammitinin və BMT-nin İqlim dəyişikliyi üzrə forumunun (COP25) təxirə salınması barədə qərarını dəstəkləyib.
ABŞ Prezidenti eyni zamanda hökumətin ölkədə qayda-qanun yaratmaq yönündə səylərini dəstəkləyib.
Qeyd edək ki, dünən Çili Prezidenti ölkəsində keçiriləcək Asiya-Sakit Okean İqtisadi Əməkdaşlığı (APEC) sammitinin və BMT-nin İqlim dəyişikliyi üzrə forumunun (COP25) təxirə salındığını bəyan edib. APEC sammiti 16-17 noyabr, BMT-nin İqlim dəyişikliyi üzrə forum isə 2-13 dekabr tarixlərində keçirilməli idi. Çili hakimiyyətinin bu qərarı qəbul etməsinə bir neçə müddətdir davam edən iğtişaşlar səbəb olub. Ölkənin paytaxtı Santyaqo və bir neçə bölgədə fövqəladə vəziyyət elan edilib.
Şərhlər
Hər hansısa bir şərh yazılmayıb.