“CƏNAB PREZİDENTİN QƏRARINI GÖZLƏYİRƏM” - 82 yaşlı Ombudsman
Azərbaycanın İnsan Hüquqları üzrə Müvəkkili (Ombudsman) Elmira Süleymanova sosial şəbəkələrdə yaşlı nəslin nümayəndəsi olduğu üçün onun da istefa verməsinin məqsədəuyğun hesab edilməsi ilə bağlı yayılan məlumatlara münasibət bildirib.
“Report”un məlumatına görə, E.Süleymanova jurnalistlərə açıqlamasında işdən azad olunması ilə bağlı Prezident İlham Əliyevin rəsmi qərarını gözlədiyini deyib.
“Sosial şəbəkələrdə mənim adımın hallandırılması başqa bir məsələdir. Mən bu barədə danışmaq istəmirəm. Çünki görürəm ki, kimsə səmimi bir söz deyəndə ona don geyindirirlər. Yaşlı şəxslərdən biri bu məsələ ilə bağlı danışanda “rəsmi qərarı gözləyirəm” dedi. Mən bu yanaşmanı və fikri çox bəyəndim. Mən də qısa olaraq deyə bilərəm ki, cənab Prezidentin rəsmi qərarını gözləyirəm”, - E.Süleymanova vurğulayıb.
Qeyd edək ki, E.Süleymanovanın 82 yaşı var.
Şərhlər
siz hələ cavansız hara tələsirsiz
Elmira xanım! Nəyi gözləyirsiniz və niyə gözləyirsiniz? Prezident öz sözünü deyib. Xüsusi xahişə ehtiyac yoxdur. Həm də sizn o vəzifədə varlığınızla yoxluğunuzun fərqi YOXDUR.
Qərar gözləmək yox,şəxsiyyətiə hörmət vacibdir.Yəni öz xo.unla getməyin vaxtı çoxdan (hətta 10-15 il əvvəl ) keçib.İnsan alət deyil,özünə hörmət etməyi bcarmırsa heç kimə lazım da deyil.
Əksinə prezident sizin qərarınızı-ərizənizi gözləyir.