Bələdiyyə seçkilərində iştirak edəcək siyasi partiyaların sayı 11-ə çatıb
Azərbaycanda dekabrın 23-də keçiriləcək bələdiyyə seçkilərində iştirak etmək üçün müraciət edən siyasi partiyaların sayı 11-ə çatıb.
APA-nın xəbərinə görə, bu barədə Mərkəzi Seçki Komissiyasının (MSK) bu gün keçirilən iclasında Komissiya sədri Məzahir Pənahov məlumat verib.
O bildirib ki, Vətəndaş Həmrəyliyi Partiyasının dekabrın 23-nə təyin edilmiş bələdiyyə seçkilərində səlahiyyətli nümayəndəsinin qeydə alınması ilə seçkilərdə iştirak edəcək siyasi partiyaların sayı 11-ə çatıb. Bundan əvvəl Yeni Azərbaycan Partiyası (YAP), Azərbaycan Demokratik İslahatlar Partiyası, Böyük Quruluş Partiyası, Vətəndaş Birliyi Partiyası, Bütöv Azərbaycan Xalq Cəbhəsi Partiyası, Milli Dirçəliş Hərəkatı Partiyası, Azərbaycan Demokrat Maarifçilik Partiyası, Azərbaycan Sosial Demokrat Partiyası, Azərbaycan Ümid Partiyası və “Ana Vətən” Partiyasının səlahiyyəti nümayəndələri qeydə alınıb.
Qeyd edək ki, Azərbaycanda bələdiyyə seçkiləri dekabrın 23-də keçiriləcək. Respublika üzrə 1606 bələdiyyəyə 15 min 156 üzv seçiləcək. Xatırladaq ki, sonuncu bələdiyyə seçkisi 2014-cü il dekabrın 23-də keçirilib.
Şərhlər
Seçkilərdə partiyalar yox,ictimaiiyyət-yəni xalq,müəssisə ,təşkilat və idarələr ,eyni zamnd bitərəf.sərbəst və tanınmış insanları namizəd təqdim edilməlidir.O zaman əsl xalqa xidmət baş verər.Partiyaların əksəriyyəti bir-iki nəfərdən ibarət olduğundan,onlardan namizəd təqdim edilməsi doğru deyil.Partiyalar sırf öz siyasi işləri ilə məşğulolmalı,seçkili orqanlarda iştirak etməməlidir.Çünki partiyaların təqdim etdikləri xalqa yox.onları təqdim edənlərin marağını qorumağa məcburdurlar.