Cabbarov ali məktəb dərsliklərinin ƏDV-dən azad edilməsi ilə bağlı təklifə cavab verib

İqtisadiyyat naziri Mikayıl Cabbarov ali məktəb dərsliklərinin əlavə dəyər vergisindən (ƏDV) azad edilməsi ilə bağlı deputatların təklifinə münasibət bildirib. “Report” xəbər verir ki, nazir ümumtəhsil və peşə məktəblərindən fərqli olaraq, ali məktəb dərslikləri ilə bağlı vahid sifarişçinin olmadığını deyib.

“Bildiyiniz kimi, ali təhsil çox böyük transformasiyalara uğrayıb. Bir çox hallarda dərslik hansısa məşhur alimin iqtisadi ədəbiyyatı, elmi ədəbiyyat da ola bilər. Bu da ali məktəblər üçün dərslik kimi meyarların izlənilməsində çətinliklər yaradır. Bütün bunlara baxmayaraq, biz Təhsil Nazirliyində olan həmkarlarımızla da məsləhətləşmələr aparırıq. Çalışarıq ki, müvafiq qaydada mütləq bu məqamları nəzərə alaq”,- M.Cabbarov əlavə edib.

Şərhlər

Hər hansısa bir şərh yazılmayıb.

Son yazılar