İlham Həsən Almaniyada həbs olunması barədə xəbərləri təkzib etdi

Xəbər verdiyimiz kimi, Avropada sənəd alveri ilə məşğul olan tanınmış müxalifətçi mühacirlərin həbsi ilə bağlı məlumatlar yayılıb. Xatırladaq ki, onların sırasında Almaniya polisi tərəfindən saxlanıldığı deyilən İlham Həsənin də olduğu bildirilirdi.

İlham Həsən musavat.com-a video yollayraq məsələyə aydınlıq gətirib.

Videomaterialda İlham Həsən özü açıqlama verərək, onun Almaniya polisi tərəfindən həbs edilməsi barədə yayılan xəbərlərin həqiqətə uyğun olmadığını bildirib.