Sofiyada Azərbaycan və Ermənistan deputatları arasında mübahisə düşüb

Bu gün Bolqarstanın paytaxtı Sofiya şəhərində keçirilən Qara Dəniz İqtisadi Əməkdaşlıq Təşkilatının Baş Assambleyasının plenar iclasında Azərbaycan və Ermənistan deputatları arasında ciddi mübahisə düşüb.

Bu barədə məlumatı millət vəkili Aydın Mirzəzadə şəxsi feysbuk hesabı vasitəsiylə yayıb.

"Ermənistandan olan bir deputat çıxışında "arsax"da "demokratik seçki keçirildiyini" elan etdi. Mən onun çıxışından sonra təcili söz alaraq beynəlxalq tədbir sədarətindən Ermənistan deputatının siyasi provokasiyasının qarşının alınmasını tələb etdim. Bildirdim ki, heç bir "arsax" yoxdur, Ermənistan tərəfindən işğal edilmiş Azərbaycan əraziləri var, bu ərazidə yaradılmış Ermənistan işğalçı rejimi var. Bu ərazilərdə qeyri-qanuni olaraq Ermənistan hərbi qüvvələri var. Ermənistan rəsmiləri vaxtaşırı işğal edilmiş ərazilərə gələrək beynəlxalq hüquq normalarını kobud surətdə pozurlar. Ermənistan daima beynəlxalq ictimaiyyəti aldatmaq siyasəti yeridir. Eyni zamanfa bildirdim ki, Azərbaycan öz torpaqlarının işğalına dözməyəcək, diplomatik, ya hərbi yolla torpaqlarımız mütləq asad ediləcək", - deyə A.Mirzəzadə yazdığı statusda qeyd edib.

Şərhlər

Hər hansısa bir şərh yazılmayıb.

Son yazılar