Evo Morales ölkəsinə qayıtmaq istəyir - Vasitəçilərdən kömək istəyib

Boliviyanın keçmiş prezidenti Evo Morales siyasi sığınacaq aldığı Meksikadan Boliviyaya qayıtması üçün beynəlxalq vasitəçilərdən kömək istəyib.

APA “RİA Novosti”yə istinadən xəbər verir ki, o bu barədə Mexikoda mətbuat konfransı zamanı bildirib.

“Mən beynəlxalq vasitəçilərdən ölkəyə qayıtmaq üçün kömək istəyirəm, biz dialoq aparmağa hazırıq”, - deyə Morales qeyd edib.

Xatırladaq ki, oktyabrın 20-də Boliviyada keçirilən prezident seçkilərində prezident Evo Morales ilk turda qalib gəlib, lakin onun əsas rəqibi Karlos Mesa səslərin nəticələrini tanımayıb. Boliviya silahlı qüvvələri Moralesi ölkədəki sabitliyi təmin etmək üçün istefaya çağırıb, bundan sonra o, noyabrın 10-da istefa etdiyini açıqlayıb. Onun ardınca Senatın spikeri və birinci vitse-spikeri də vəzifəsini tərk edib. Prezident vəzifələrinin icrası müvəqqəti olaraq müxalifətin nümayəndəsi, Senatın ikinci vitse-spikeri Janin Anyesə həvalə edilib. Moralesin tərəfdarları səlahiyyətin Anyesə verilməsinə qarşı çıxıb və onun istefasını tələb edirlər.

Şərhlər

Hər hansısa bir şərh yazılmayıb.

Son yazılar