Beynəlxalq Atom Enerjisi Agentliyinin yeni baş direktoru təsdiqlənib

Rafael Qrossinin Beynəlxalq Atom Enerjisi Agentliyinin (BAEA) baş direktoru vəzifəsinə təyinatı təsdiqlənib.

APA-nın RİA Novosti-yə istinadən verdiyi xəbərə görə, bu gün təşkilatın baş konfransı xüsusi sessiyasında bu barədə müvafiq qərar qəbul edib.

BAEA-nın İdarə Heyəti 30 oktyabrda R. Qrossini təşkilatın baş direktoru təyin edib.

R. Qrossi 2013-cü ilin iyun ayından Argentinanın Vyanada yerləşən beynəlxalq təşkilatlarda daimi nümayəndəsi olub.

O, Latın Amerikadan təşkilata rəhbərlik edəcək ilk şəxsdir.

Argentinalı diplomat dekabrın 3-dən vəzifəsinin icrasına başlayacaq.

Qeyd edək ki, BAEA-nın baş direktoru 4 il müddətinə təyin olunur.

Xatırladaq ki, BAEA-nın baş direktoru Yukiya Amano iyulun 22-si vəfat edib.

Şərhlər

Hər hansısa bir şərh yazılmayıb.

Son yazılar